Batalla de Mulhouse
| Batalla de Mulhouse, parte da Batalla das fronteiras | |
|---|---|
| Conflito: primeira guerra mundial, Batalla das fronteiras | |
| Data: Do 7 ao 10 de agosto de 1914 | |
| Lugar: Mulhouse, Alsacia | |
| Resultado: Vitoria táctica alemá. | |
| Combatentes | |
 Francia
|
.svg){kind=small} Imperio Alemán
|
| Comandantes | |
| Louis Bonneau
|
Josias von Heeringen
|
| Forzas | |
| VII Corpo francés (45.000 homes) | XIV e XV Corpos alemáns (30.000 homes) |
| Baixas | |
| Estímanse unhas 4000 | Estímanse unhas 3000 |
| Batalla das fronteiras (14-24 de agosto de 1914) | Batalla de Mulhouse – Batalla de Haelen – Batalla de Lorena – Batalla das Ardenas – Batalla de Charleroi – Batalla de Mons |
A batalla de Mulhouse é unha batalla da primeira guerra mundial pertencente á Batalla das fronteiras. O ataque preparouse o día 7 de agosto de 1914 e iniciouse dous días despois. Formaba parte do intento francés por recuperar a rexión de Alsacia, que perdera tras a fin da guerra franco-prusiana en favor do Imperio Alemán.
Forzas de combate editar
As forzas francesas constaban duns 45.000 homes do I Exército, pertencentes a tres unidades de infantaría (as Divisións 14a, 41a e unha brigada da División de reserva 57a) e a 8a División de Cabalería.
As forzas alemás eran os corpos XIV e XV do VII Exército, dirixido por Josias von Heeringen.
A batalla editar
A batalla iniciouse cando os soldados franceses tentaron ocupar Alsacia. O día 7 atravesaron a fronteira franco-xermana e avanzaron cara ao interior do Imperio Alemán. Puideron chegar ata Mulhouse, que foi ocupada sen resistencia ningunha. O avance inicial supuxo certo xúbilo en Francia, pero os alemáns organizaron rapidamente un contraataque. Os franceses preparáronse para defender as zonas ocupadas e recibiron reforzos (unha División de reserva). A pesar das novas tropas, o Xeneral Bonneau decidiu retirarse o que ocasionou que fose relevado por orde de Joseph Joffre. Deste modo, os alemáns recuperaron as poboacións perdidas.
A finais de agosto, Joffre enviou á zona catro novas divisións, que constituirían o Exército de Alsacia, que atacou en Lorena e fracasou.
Consecuencias editar
As baixas francesas foron duns 4000 homes e 3000 no bando alemán. Ademais, supuxo a destitución do Xeneral Bonneau.