Bailén

Bailén é un concello español pertencente á provincia de Xaén, en Andalucía. Está situado na bisbarra de Serra Morena e tiña unha poboación de 18 243 habitantes en 2015.

Bailén
Igrexa da Encarnación
Localización
País	España
Comunidade autónoma	Andalucía
Provincia	Xaén
Comarca	Serra Morena
Xeografía
Altitude	343 msnm msnm
Superficie	117,6 km² km²
Demografía
Poboación	18243 (2015)
Densidade	156,62 hab/km²
Xentilicio	Bailenense/Baeculense
Outros datos
Código postal	23710
Alcalde	Luis Mariano Camacho Núñez (PP)
www.ayto-bailen.com

Xeografía

O termo municipal de Bailén limita cos municipios de Baños de la Encina e Guarromán ao norte, Linares ao leste, ao sur con Jabalquinto e Espelúy, e con Villanueva de la Reina e Zocueca ao oeste.

Historia

O 9 de xullo de 1808 tivo lugar a batalla de Bailén, no contexto da Guerra da Independencia española, na que as tropas francesas de Dupont foron derrotadas polas españolas do xeneral Castaños, que estaban moito peor equipadas e organizadas que as de Francia.

Economía

A cidade de Bailén dispón dunha grande actividade industrial da cerámica, viño e a hostalaría, xunto co cultivo de herbáceos e o desenvolvemento dunha industria do aceite.

Lugares de interese

A Igrexa parroquial da Nosa Señora da Encarnación, que foi construída no século XV, en estilo gótico isabelino, é un dos máximos expoñentes arquitectónicos da localidade, declarada Monumento Histórico.

Tamén destacan as ermidas da Nosa Señora da Soidade (século XV), de estilo gótico, as ermidas de Xesús e do Cristo, ambas as dúas de estilo barroco (século XVIII), a da Virxe de Zocueca, construída entre os séculos XVII e XVIII e a Parroquia de San Xosé Obreiro, xunto co seu barrio, que celebra as súas festas na súa honra o día 1 de maio.

Véxase tamén

Ligazóns externas

• Sitio web oficial (en castelán)