Atol Namorik
| Namorik | |
|---|---|
| |
| Datos | |
| País |  Illas Marshall
|
| Illa principal | Namorik |
| Linguas | |
| Poboación (1999) | 814 hab. |
| Superficie | 2´8 km² |
| Superficie lagoa | 8´4 km² |
| Nº de illas | 2 |
| Coordenadas | 05°37′00″N 168°07′00″L / 5.61667, -168.11667 |
| Maior Altura | 6 m. |
| Localización | |
| |
O atol Namorik ou atol Namdrik é un atol de dúas illas localizado no océano Pacífico. É un distrito lexislativo da Cadea de Ralik nas Illas Marshall. A súa superficie total é de 2,8 km², e encerra unha lagoa de 8,4 quilómetros cadrados.
A poboación do atol Namorik é de 814 habitantes.
Namdrik atópase a uns 145 km ao oeste-suroeste de Jaluit, e a 117 km ao noroeste de Ebon. O atol está formado por dúas illas boscosas de gran tamaño. A máis grande (tamén chamada Namorik) envolve a lagoa central desde o suroeste cara ao nordés, mentres que a illa máis pequena pecha a esquina noroeste da lagoa. Un illote de coral interponse entre eles no arrecife, con numerosos cantos rodados negros. A lagoa pouco profunda está separada do mar por un arrecife de coral seco. Os barcos poden cruzar o arrecife con dificultade, coa marea alta no lado oeste do atol. Hai unha tenda ao oeste do Illote Namorik.
Existe unha pista de aterraxe no lado oeste do Illote Namorik, moi difícil de utilizar. Non hai refuxio para os ventos do nordés e é perigoso con fortes ventos do suroeste cando hai un mar groso. Hai un arrecife costeiro que se estende uns 135 metros nas proximidades da pista de aterraxe. Dous pecios afundidos están a 90 metros da costa sur ao longo da liña de arrecifes.
Historia editar
Namorik foi reclamado polo Imperio Alemán xunto co resto das Illas Marshall en 1884. Despois da primeira guerra mundial, a illa caeu baixo o Mandato do Pacífico Sur do Imperio xaponés. Tras o final da segunda guerra mundial, quedou baixo o control dos Estados Unidos, como parte do Territorio en Fideicomiso das Illas do Pacífico ata a independencia das Illas Marshall en 1986.