Asociación de Bibliotecarios da Igrexa en España
A Asociación de Bibliotecarios da Igrexa en España (ABIE) é unha asociación canónica pública de ámbito español, sen ánimo de lucro, creada o 1993 pola Conferencia Episcopal Española, para a defensa, conservación e difusión do patrimonio bibliográfico da Igrexa.[1]
| Asociación de Bibliotecarios da Igrexa en España | |
|---|---|
 | |
| Acrónimo | ABIE |
| Tipo | Eclesiástico |
| Campo de traballo | bibliotecoloxía |
| Data de fundación | 1993 |
| Presidente/a | Francisco José Cortés Martínez (en)  (2018-)  |
| Nº de membros | 79 (2024) |
| Sede | Madrid |
| País | España |
| Na rede | |
| http://www.abie.es | |
| [ editar datos en Wikidata ] | |
Traxectoria
editarPreviamente, en 1969, 1972 e 1985 tiveron lugar tres intentos para agrupar aos bibliotecarios eclesiásticos españois, tal e como xa se facía cos arquiveiros eclesiásticos desde o ano 1969.[2] Estes intentos acabaron frutificando grazas ao impulso de Josep Maria Martí Bonet, quen en 1991 convocou ata 75 directores de bibliotecas eclesiásticas.[2] Á convocatoria asistiron tan só 15, pero estes establecéronse en Comisión Xestora, co encargo de constituír a futura Asociación.[3] Así, o 9 de abril de 1993, tivo lugar no Seminario Conciliar de Madrid a Asemblea Constituínte da Asociación, aínda que os seus estatutos non foron aprobados pola Conferencia Episcopal Española ata o 19 de novembro de 1993.[3] O primeiro presidente da asociación foi Alfonso de la Fuente, mentres que Carlos García Andrade foi nomeado secretario.[3]
ABIE é unha das 20 asociacións e colexios profesionais membros da Federación Española de Sociedades de Arquivística, Biblioteconomía, Documentación e Museística (FESABID) desde o 13 de decembro de 2008.[4] Así mesmo, desde 1997,[4] a Asociación tamén é membro de BETH, Bibliotecas Europeas de Teoloxía (Bibliothèques Européennes de Théologie, nas súas siglas en francés; European Theological Libraries, nas súas siglas en inglés). En 2019, contaba con máis de 50 socios.[5]
Segundo o capítulo II, artigo 6.1 dos seus estatutos,[6] a asociación está formada por todas aquelas persoas que acrediten ter un cargo estable de bibliotecario ou auxiliar de biblioteca en calquera das máis de 300 bibliotecas[5][7] (capitulares, diocesanas, parroquiais, episcopais etc.) ou centros de documentación eclesiásticos de toda España.[8]
Ten como principais actividades a realización de cursos temáticos de formación[9] para os seus socios, e a celebración desde 2007 dunhas Xornadas Técnicas,[10] de periodicidade anual, que se celebraron principalmente en Madrid, na sede da Conferencia Episcopal Española (2007-2012) e na Universidade Eclesiástica San Dámaso (2013-2017). A partir de 2018 estas xornadas comezan a realizarse en diferentes puntos da xeografía española, tendo lugar nos últimos anos en Córdoba (2018), Oviedo (2019) e Salamanca (2020), esta última aprazada a 2022 debido á pandemia ocasionada polo Covid'19. Estas Xornadas convertéronse no principal e máis importante punto de encontro e de reunión de todos os profesionais e técnicos que xestionan as bibliotecas eclesiásticas, para o intercambio de opinións, de experiencias e de posta ao día de coñecementos. As Xornadas organízanse conxuntamente coa Comisión Episcopal para o Patrimonio Cultural da Conferencia Episcopal Española.[11]
O ano 2010, xunto coa Fundación Ignacio Larramendi, a ABIE convocou a primeira edición do concurso "Boas Prácticas Bibliotecarias",[12] na que resultou gañadora a Biblioteca do Colexio de San Gabriel de Madrid.
Notas
editar- ↑ Sánchez Becerra, Sara (2018). El fondo local de una biblioteca eclesiástica: memoria de prácticas en la Biblioteca del Seminario Diocesano de Monte Corbán (Tese). Santander. p. 7.
- ↑ 2,0 2,1 Turbett Álvarez (2020), p. 35
- ↑ 3,0 3,1 3,2 Turbett Álvarez, Jaime (2020), p. 36
- ↑ 4,0 4,1 Turbett Álvarez, Jaime (2020), p. 37
- ↑ 5,0 5,1 «La Iglesia española quiere catalogar los "millones" de libros de sus bibliotecas que esconden "joyas bibliográficas"». La Vanguardia, 23-04-2019. [Consulta: 09-11-2021]
- ↑ ABIE (ed.). «Estatutos». Consultado o 05/03/2020
- ↑ «La Iglesia española quiere catalogar los "millones" de libros de sus bibliotecas que esconden "joyas bibliográficas"». Europa Press, 23-04-2019. [Consulta: 09-11-2021]
- ↑ Moreno García, Pilar «V Jornadas Técnicas de Bibliotecarios de la Iglesia». Folio Complutense, 04-04-2011 [Consulta: 09-11-2021]
- ↑ ABIE (ed.). «Cursos». Consultado o 05/03/2020.
- ↑ ABIE (ed.). «Jornadas». Consultado o 05/03/2020.
- ↑ «Comisión Episcopal de Patrimonio Cultural, CEE» (en castelán). Hispania Nostra. [Consulta: 22 març 2020].
- ↑ Aliesprofesor.es (ed.). «Premio ABIE de Bibliotecas (2010) Arquivado 13 de xuño de 2013 en Wayback Machine.». Consultado o 05/03/2020
Véxase tamén
editarBibliografía
editar- Turbett Álvarez, Jaime (2020). La Iglesia y el Patrimonio Bibliográfico en España: la Asociación de Bibliotecarios de la Iglesia en España (ABIE) (PDF) (en castelán). Santander: Universidade de Cantabria. Facultade de Filosofía e Letras.