Asemblea Federal de Suíza

A Asemblea Federal (ou parlamento) é o poder lexislativo e a autoridade suprema de Suíza, sen prexuízo dos dereitos do pobo e dos cantóns^[1].

A Asemblea está formada por dúas cámaras de igual importancia:

o Consello Nacional, coñecida como a cámara baixa, representa ao pobo (200 deputados, repartidos proporcionalmente segundo a poboación de cada cantón).
o Consello dos Estados, coñecida como a cámara alta, representa os cantóns (46 deputados, 2 por cantón e 1 por cada semi cantón^[2] sen importar a súa poboación.

Os dous Consellos reúnense separadamente a maior parte do tempo, aínda que calquera decisión require o acordo das dúas cámaras. Para algunhas decisións, como a elección do Consello Federal, do Chanceler da Confederación, dos xuíces do Tribunal federal ou do xeneral do exército en caso de guerra ou crise grave, as dúas cámaras reúnense simultaneamente. Xeralmente as dúas cámaras reúnense catro veces ao ano.