Arquiña de Vilaseco

Coordenadas: 43°04′26.6″N 9°04′29.5″O / 43.074056, -9.074861 A Arquiña de Vilaseco é un monumento megalítico situado nas proximidades do lugar de Vilaseco da parroquia de Castrelo, no concello de Vimianzo. Forma parte do Parque Arqueolóxico do Megalitismo da Costa da Morte.

DescriciónEditar

A mámoa está situada nunha típica paisaxe megalítica con brañas e pequenos lombos topográficos, dominando a contorna, sobre todo cara ao oeste e ao norte onde adquire uns tres metros de altura. Chama a atención a gran dimensión do túmulo, de 37 metros de longo por 32 de largo.

No interior, atópase unha anta máis modesta para o tamaño da mámoa. De estrutura clásica, con cámara poligonal e corredor desenvolvido cara ao leste. A falta dunha escavación en profundidade, consérvanse catro esteos da cámara, e aparece un do corredor ademais da propia tampa. O máis probábel é que as pedras que faltan estean a formar parte do muro divisorio das leiras, muro que divide en dous o monumento. Con todo, o seu estado de conservación é bo, dada a pouca profundidade do cono de violación.

En outubro de 2014 uns traballos de reforestación danaron tanto a mámoa como a anta.[1]

NotasEditar

  1. Lado, J. V. (2014-10-06). "Trabajos forestales dañan la mámoa A Arquiña de Vilaseco". La Voz de Galicia. Consultado o 2016-08-28. 

Véxase taménEditar

Outros artigosEditar

Ligazóns externasEditar