Abrir o menú principal
Edificio de apartamentos en Suecia, deseñado polo arquitecto Ralph Erskine.

Un apartamento[1], tamén chamado departamento[2], ou piso[3] é unha unidade de vivenda que comprende unha ou máis habitacións deseñadas para proporcionar instalacións completas para un individuo ou unha pequena familia. A principal diferenza existente entre este tipo de vivendas e outras, como casas, casaríos etc., é a superficie que ocupa, normalmente menor que as anteriores, e o seu posible uso, moitas veces vacacional ou temporal.

Un edificio de apartamentos é unha solución económica, que se realiza mediante o aproveitamento en común de zonas de circulación, tanto verticais como horizontais. Tamén se verifica esta economía nas instalacións complementarias de auga, drenaxe e luz eléctrica. A estrutura, con elementos comúns, supón outra economía. Pode tamén obterse mellor servizo e economía, mediante caldeiras, incinerador, etc. A solución colectiva dun edificio de apartamentos permite ter outros elementos comúns, como cocheiras, cuartos de servizo, lavadoiros, tendedeiras, espazos para xogos de nenos etc.

HistoriaEditar

 
Apartamentos en Zanzibar

En 1802, Benito Bails no seu Dicionario de arquitectura civil definía apartamiento como o conxunto de pezas que forman unha habitación cabal, dentro das cales se distinguían:

  • O apartamento servizal, referido ao uso diario
  • O apartamento de decencia, referido ao decoro.
  • O apartamento de aparello, referido á ostentación.

Ademais diferenciaba:

  • Apartamento dobre, o que colle todo o fondo dun edificio ou o seu corpo principal e está dividido case por medio na dirección da súa lonxitude en dous cuartos sendo as pezas dun case iguais ás do outro.
  • Apartamento semidobre, o que está divido en dous cuartos sendo as pezas dun grandes e pequenas as do outro.
  • Apartamento sinxelo, o que colle todo o fondo do edificio entre as dúas paredes de fachada sen parede algunha de travesa na dirección da súa lonxitude.[4]

NotasEditar

  1. Definicións no Dicionario da Real Academia Galega e no Portal das Palabras para apartamento.
  2. Definicións no Dicionario da Real Academia Galega e no Portal das Palabras para departamento.
  3. Definicións no Dicionario da Real Academia Galega e no Portal das Palabras para piso.
  4. Diccionario de arquitectura civil, Benito Bails. 1802.

Véxase taménEditar