Antonio Ares Abelleira
Antonio Ares Abelleira, Toñito, nado en Pontedeume en 1915 e finado en Serantes (Ferrol) o 22 de maio de 2007,[1] foi un loitador antifranquista galego.
| Biografía | |
|---|---|
| Nacemento | 1915  Pontedeume, España |
| Morte | 22 de maio de 2007 (91/92 anos) Serantes, España |
| Datos persoais | |
| País de nacionalidade | España |
| Actividade | |
| Ocupación | membro da resistencia |
Traxectoria editar
Viviu en Ferrol dende os tres anos. Logo do golpe de Estado do 18 de xullo de 1936 foi enrolado no exército. Ao remate da guerra foi o responsable da reconstrución clandestina do PCE en Ferrol. Foi detido nunha redada, encarcerado e indultado aos dous anos. Tres meses despois converteuse no responsábel de axitación e propaganda da Alianza Nacional de Forzas Democráticas (ANFD), e proporcionáballes comida e apoio loxístico aos guerrilleiros. Foi detido en 1950 por facilitar víveres, informar aos guerrilleiros e repartir propaganda clandestina proporcionada por Antonio Veiga Mejuto. Xulgado en consello de guerra en Ferrol o 18 de marzo de 1952 con outros 42 enlaces da guerrilla,[2] foi condenado a sete anos. [3] Nas eleccións xerais de 1982 foi candidato ao Congreso polo Partido Comunista Obrero Español. [4]
Notas editar
- ↑ Necrolóxica en La Voz de Galicia, Ferrol, 23-5-2007, p. 50.
- ↑ "Cuarenta y tres paisanos acusados de ayuda a los bandoleros", La Voz de Galicia, 19-3-1952, p. 5.
- ↑ Morreu Toñito Ares Abelleira
- ↑ La Voz de Galicia, 20-9-1982, p. 58.