Anna Sharyhina
Anna Borysivna Sharyhina, nada c.1978, é unha feminista ucraína e activista LGBT. É cofundadora da Sphere Women's Association, unha organización feminista lésbica en Khárkiv, e do NGO Kyiv Pride, o comité organizador da Marcha do Orgullo en Kíiv.[1]
![]() (2020) ![]() | |
Nome orixinal | (uk) Анна Борисівна Шаригіна ![]() |
---|---|
Biografía | |
Nacemento | 1978 ![]() |
Datos persoais | |
País de nacionalidade | Ucraína ![]() |
Actividade | |
Ocupación | activista LGBT ![]() |
![]() ![]() |
Sharyhina e a súa parella, Vira Chemygina, levan implicadas coa comunidade LGBT ucraína e organizacións de lesbianas durante máis dunha década. Organizaron as primeiras marchas de Kíiv pola igualdade. A segunda marcha de Kíiv pola igualdade, celebrada en 2015, estivo acompañada pola policía e contou co apoio de diversas figuras públicas. Con todo, a marcha só durou 15 minutos debido á violencia de extrema dereita contra os manifestantes.[1] Dez persoas, incluíndo a policías que custodiaban o evento, resultaron feridas.[2]
A actividade feminista e LGBT de Sharyhina enfrontouse a unha continua oposición en Ucraína. Cando deu unha conferencia sobre movementos LGBT nunha librería de Khárkiv, a reunión tivo que ser trasladada dúas veces: primeiro ó centro de prensa Nakipelo de Khárkiv e despois ó centro Izolyatsiya de Kíiv.[3] PrideHub, un centro comunitario de Khárkiv, foi atacado por homes enmascarados con granadas de fume en xullo de 2018; o edificio foi vandalizado máis tarde con graffitis e sangue de animais. Aínda que se puxeron denuncias na policía, e foron enviadas sobre 1,000 cartas de queixa ó Ministro do Interior Arsen Avakov, ninguén foi castigado pola a ofensa.[4][5]
En marzo de 2019, Sharyhina estaba entre as que organizaron a Semana de Solidariedade das Mulleres en Khárkiv durante a primeira semana de marzo:
O obxectivo do evento é volver á esencia orixinal do Día Internacional da Muller, cando as mulleres se unen na loita polos seus dereitos. Este é un día de solidariedade feminina, non de ramos e doces. A Semana da Solidariedade da Muller é principalmente un proxecto educativo, e estamos unidas non contra algo, senón polo desenvolvemento das mulleres, as comunidades de mulleres e toda a sociedade ucraína.[6]
En xaneiro de 2020 Sharyhina criticou a Mike Pompeo por visitar Ucraína sen reunirse cos líderes da comunidade LGBTQ.[4][5]
Notas
editar- ↑ 1,0 1,1 Claire Gaillard, Anna Sharyhina – Ukraine, Hope for the Future, Les Spread the Word, 5 de outubro de 2015. Traducido por Leanne Ross.
- ↑ Clara Marchaud, Kyiv Pride week events to raise awareness, defend LGBTQ rights, Kyiv Post, 8 de xuño de 2018.
- ↑ Ganna Grytsenko, What are the real barriers to freedom of assembly in Ukraine?, openDemocracy, 16 de maio de 2018.
- ↑ 4,0 4,1 Anna Nemtsova, Mike Pompeo Snubs Ukraine’s Embattled LGBTQ Community, The Daily Beast, 31 de xaneiro de 2020.
- ↑ 5,0 5,1 Lily Wakefield, US Secretary of State Mike Pompeo refuses to meet with LGBT activists in Ukraine, Pink News, 1 de febreiro de 2020.
- ↑ Natalia Ivanova, International Women’s Day: Breaking Stereotypes, Kharkiv Observer, 8 de marzo de 2019.
Véxase tamén
editarLigazóns externas
editar- Story no.11. Anna Sharyhina, Gay Alliance Ukraine, 25 de novembro de 2015.
- Chanelle Grand, Portrait : Anna Sharyhina, militante et directrice de la marche de la fierté LGBT en Ukraine, STOP Homophobie, 5 de outubro de 2015.
- Hanna Sokolova, anna-sharyhina-interview-en/ “When we compromise, it’s as if we admit we’re not equal”: Anna Sharyhina on feminism and LGBT rights in Ukraine, openDemocracy, 22 de maio de 2019.