Ambroa, Andoio, Tordoia

Para outras páxinas con títulos homónimos véxase: Ambroa.

Ambroa é un lugar da parroquia de Andoio no concello coruñés de Tordoia, da comarca de Ordes. Segundo o IGE, en 2022 tiña 49 habitantes (25 homes e 24 mulleres).

Ambroa
Parroquia	Andoio
Concello	Tordoia
Poboación	49 hab. (2022)
[ editar datos en Wikidata ]

Etimoloxía

A etimoloxía deste topónimo carece de consenso. Por un lado, unha das primeiras teorías sobre a súa orixe está relacionada co pobo prerromano dos ambrones que, segundo Menéndez Pidal, colonizou o noroeste da Península Ibérica, co que se trataría dun topónimo baseado nun xentilicio. Non obstante, Bascuas considera que esta teoría, baseada nas colonizacións indoeuropeas, está completamente superada e é inconsistente e contraria ao que hoxe en día se sabe da expansión deste pobo. Este lingüista considera que procede do celta *ambra (auga), para o que argumenta que o lugar se localiza entre varias correntes de auga pequenas, habendo varios topónimos de orixe hidronímica na súa contorna.

Este topónimo aparece documentado en 1523, nun texto do Arquivo Histórico da Universidade de Santiago, en que participa Alonso de Ambroa, habitante da freguesía de Andoio.

Outros topónimos iguais ou similares son Ambroa (Irixoa) e Ambroa (Cabovilaño, A Laracha).

Lugares e parroquias