Alfredo Ramos López

Alfredo Pío Ramos López, nado en Camporrapado (Silleda) en 1898 e finado na vila de Silleda o 18 de xullo de 1960, foi un médico galego.

Alfredo Ramos López

Biografía
Nacemento	1898 Camporrapado, España
Morte	18 de xullo de 1960 (61/62 anos) Silleda, España
Datos persoais
País de nacionalidade	España
Actividade
Ocupación	médico , político
Lingua	Lingua castelá

Traxectoria

Busto do doutor Ramos na praza da igrexa de Silleda

Licenciouse en Medicina e Cirurxía na Universidade de Santiago de Compostela en 1925. En Madrid realizou estudos de Odontoloxía e especializouse en Obstetricia e Xinecoloxía. Foi concelleiro de Silleda durante a Segunda República. Obtivo a praza de Medicina xeral en Silleda, onde foi coñecido por exercer a súa profesión desinteresadamente, acudindo polas parroquias a pesar das malas comunicacións e escasos medios da época.

Homenaxe

Trala súa morte, o pobo de Silleda levantoulle un busto da súa persoa en recoñecemento dos seus méritos como médico. "Os veciños do municipio de Silleda ao Médico D. Alfredo Ramos López, como testemuño de agradecemento" reza a inscrición que ten este busto.

Vida persoal

Casou en 1942 coa mestra Mª Luisa Regina Mosquera Martínez, irmá de Fernando Mosquera Martínez, alcalde de Silleda entre 1967 e 1971.