Albert Stroni

futbolista albanés

Albert Stroni, nado en Fier o 18 de novembro de 1971, é un antigo xogador de fútbol e actual adestrador albanés. Na actualidade é o adestrador do CD Lemos.

Stroni
Información persoal
Nome completo Albert Stroni
Nacemento 18 de novembro de 1971
  Fier
Nacionalidade Albania
Altura 1.84
Posición Dianteiro
editar datos en Wikidata ]

TraxectoriaEditar

Stroni comezou xogando en equipos albaneses, onde se revelou como un produtivo dianteiro, primeiro no Dinamo Tirana e posteriormente no Apolonia Fier (1990). Nese ano, e durante unha viaxe coa selección sub-21 de Albania a Sevilla, escapou do equipo e solicitou asilo político. As autoridades albanesas non lle deron a carta de liberdade para poder xogar ao fútbol en España, e regresou para xogar dúas tempadas no Apolonia. De aí saltou a fronteira para xogar no Partizan Belgrado serbio en 1992. Mais non tivo moitas oportunidades de ser titular, e rematou a tempada de volta no Dinamo Tirana.

Ao ano seguinte, e despois de probar con outros equipos españois (Leganés, Cádiz, Toledo[1]), veu xogar a unha SD Compostela que daquela militaba en Segunda e preparaba o ascenso a Primeira, pero por problemas administrativos non chegou a disputar un só partido. Marchou pois cedido ao Club Deportivo Ourense, que tamén estaba naquela altura en Segunda, pero tampouco conseguiu xogar ningún partido neste caso por problemas de disciplina[1]. Como solución, fichou polo Lemos monfortino, onde se converteu nun dos xogadores máis importantes da súa historia: marcou un gol cada dous partidos que disputou, e conseguiu ascender a Terceira.

Despois Stroni iniciou un percorrido por diversos equipos. Primeiro foi á Ponte Ourense, á tempada seguinte á Gimnástica Segoviana, e na seguinte a tres equipos: o portugués Maia e os españois Mérida e Don Benito. En 2001 marchou a Francia a xogar co Angers, pero despois dunha pobre campaña volveu ao Lemos. En Monforte aínda xogou tres tempadas máis, combinando as tarefas de xogador coas de adestrador, e despois dun ano no Lalín, regresou ao Lemos, onde se retirou en 2010.

Na tempada 2010-2011 Stroni foi unicamente o adestrador do Lemos.

Como internacionalEditar

Stroni xogou para a Albania un total de 35 partidos, contabilizadas todas as categorías, mais só 3 partidos coa selección absoluta.

PalmarésEditar

Vida persoalEditar

Stroni abriu un concesionario de coches en Ourense[1].

NotasEditar

  1. 1,0 1,1 1,2 "Desde Albania con balón"; artigo de Xosé Manuel Pereiro en El País, 25 de xaneiro de 2010

Véxase taménEditar

Ligazóns externasEditar