Agrupación Cultural O Galo
A Agrupación Cultural O Galo é unha asociación cultural de Santiago de Compostela, que ten entre os seus obxectivos fomentar e pór en valor a creación cultural galega, divulgar a nosa historia e coñecer os lugares onde se produciron os principais feitos históricos así como os protagonistas dos mesmos, pór en debate os asuntos máis destacados que nos afectan como pobo e achegar a realidade social e cultural doutros pobos do mundo para promover o respecto á diversidade e ser capaces de apreciar a súa riqueza.
| Agrupación Cultural O Galo | |
|---|---|
 | |
| Tipo | asociación cultural |
| Data de fundación | 1961 |
| En | Santiago de Compostela |
| País | Galicia |
| Na rede | |
| https://www.ogalo.gal/ | |
    | |
| [ editar datos en Wikidata ] | |
Historia
editarFoi fundada no ano 1961 por un nutrido grupo de intelectuais e artistas galeguistas, entre os que se pode destacar a Salvador García-Bodaño, Xulio Maside ou Ventura Cores Trasmonte. A súa primeira actividade pública foi a exposición 20 pintores galegos, a primeira grande exposición colectiva de arte do país durante o franquismo que foi inaugurada por Vicente Risco cun relatorio sobre Galicia e a revolución estética. Máis adiante, no ano 1963, sacou adiante a coñecida Campaña do peso pro Teatro Galego para poder dotar de fondos o Premio Castelao, impulsado simultaneamente pola mesma asociación, que buscaba dar recoñecemento á mellor obra de teatro en galego como resposta á marxinación do galego nun certame de teatro que organizaba o Sindicato Español Universitario (SEU), no que se admitían as outras tres linguas do Estado. O fallo do Premio Castelao converteuse nun acontecemento cultural no que participaban boa parte dos principais nomes do galeguismo, cunha cea literaria que se celebraba no Hostal dos Reis Católicos, en Santiago.
Véxase tamén
editarBibliografía
editar- Gurriarán, Ricardo, coordinador e comisario (2012). Exposición Un canto e unha luz na noite. Asociacionismo cultural en Galicia (1961-1975) CCG.