Agilent Technologies
Agilent Technologies, ou Agilent, é unha compañía estadounidense que deseña e fabrica instrumenttos científicos de medida e equipamento para as ciencias da vida, diagnóstico médico, e aplicacións químicas.[1]
A compañía predecesora de Agilent foi Hewlett-Packard (HP), fundada en 1939 para fabricar equipos de probas electrónicos. En 1999, HP creou unha filial para a súa división de probas e medidas chamada Agilent. A OPV inicial das accións de Agilent foi unha das máis grandes da historia de Silicon Valley ata aquel momento.[2] En 2014, Agilent creou unha filial para a súa división de instrumentos electrónicos chamada Keysight Technologies.
Agilent mantén o grupo de desenvolvemento e investigación central, Agilent Laboratories, que realiza a investigación da compañía en áreas como os sistemas micromecánicos, nanotecnoloxía, e ciencias da vida.[3] Este grupo centralizado está baseado no deseño do Hewlett-Packard Lab orixinal e formouse ao dividir o grupo de laboratorios HP orixinal en dous cando HP creou Agilent en 1999.
Liñas de produción editar
As principais liñas de produción de Agilent son:
- Produtos para química analítica e ciencias biolóxícas como as micromatrices de ADN, cromatografías líquida e de gas, espectrómetros de masas, produtos para as espectroscopias molecular e atómica, e renovación de equipamentos.
- Produtos para medición e diagnóstico xenómico para inmunohistoquímica, hibridación in situ, tinguidura de hematoxilina-eosina, tinguiduras especiais, detección de mutacións no ADN, xenotipificación, determinación do número de copias de xenes, identificación de rearranxos de xenes, e metilación do ADN e perfís de expresión xenética, xunto con sistemas de análises de mostras baseados en electroforese en xel automatizada.
Notas editar
- ↑ "Company Information". Agilent. Consultado o 19 January 2014.
- ↑ Arensman, Russ (1 October 2002). "Unfinished business: managing one of the biggest spin-offs in corporate history would be a challenge even in the best of times. But what Agilent's Ned Barnholt got was the worst of times.". Electronic Business (Reed Business Information) (28.10). 36(6)
- ↑ "Agilent Research Laboratories Fact Book" (PDF). Agilent Technologies. May 2013. Consultado o 19 December 2014.