Agathe Mella
Agathe Mella, de nome orixinal Léonie Marie Jacqueline Cordier, nada no 6º distrito de Lión o 11 de setembro de 1909 e finada en Gaillon o 6 de agosto de 2003, foi unha personalidade da radio francesa. Incorporouse á Radiodiffusion Nationale tras a segunda guerra mundial e participou na reestruturación da Radiodiffusion-Télévision Française.
| Biografía | |
|---|---|
| Nacemento | (fr) Léonie Marie Jacqueline Cordier  1 de setembro de 1909 6th arrondissement of Lyon, Francia (en)  |
| Morte | 6 de agosto de 2003 (93 anos) Gaillon, Francia |
| Director of France culture (en) | |
| 1973 – 1975 – Yves Jaigu (pt) → | |
| Datos persoais | |
| País de nacionalidade | Francia |
| Actividade | |
| Ocupación | locutora de radio |
| Empregador | Office de Radiodiffusion Télévision Française (pt) France Culture (pt) |
| Lingua | Lingua francesa |
Traxectoria editar
Agathe Mella casou en 1935 en Neuilly-sur-Seine co británico Antoine "Tony" Mella, futuro tenente da Resistencia francesa e deseñador da cruz da Liberación e da Medalla da Resistencia Francesa.[1] Ela mesma participou na Resistencia dende a radio.[2]
Foi a primeira muller encargada da programación en París-Inter (1955-1968). Traballou principalmente cos produtores Jean Chouquet, François Billetdoux, Jean Garretto, Jose Artur e Roland Dhordain. Segundo este último,
"grazas a ela, os fundadores de France Inter lograron que o proxecto tivese éxito".
En 1973 foi nomeada directora de France Culture. Foi a primeira personalidade e, amais, a primeira muller en ostentar este cargo. Posteriormente traballou na Office de radiodiffusion-télévision française, no departamento de asuntos exteriores. Até 2001 estivo a cargo dos arquivos da historia da RTF, a ORTF e Radio France.[3]
Notas editar
- ↑ "Musée de la resistance en ligne". museedelaresistanceenligne.org. Consultado o 4 de marzo de 2022.
- ↑ "Agathe Mella, première femme directrice d'une chaîne de radio". Le Monde. Consultado o 4 de marzo de 2022..
- ↑ "Agathe Mella, première femme nommée directrice de Paris-Inter (devenu France ...". www.telesatellite.com. Consultado o 2023-11-18.