Adore

Adore é o cuarto álbum de estudio da banda estadounidense de rock alternativo The Smashing Pumpkins. Foi editado o 2 de xuño de 1998 a través do selo Virgin Records. Adore é o primeiro álbum de The Smashing Pumpkins que non conta co batería Jimmy Chamberlin.

Adore
Álbum de The Smashing Pumpkins
Publicado	2 de xuño de 1998
Gravación	decembro de 1997 - marzo de 1998
Estudio(s)	Sound City en Van Nuys, California
Duración	72:51
Xénero(s)	rock alternativo, rock electrónico, rock gótico
Selo(s)	Virgin
Producido por	Billy Corgan, Brad Wood, Flood
Cronoloxía
Mellon Collie and the Infinite Sadness Adore MACHINA/The Machines of God

Adore marca un evidente cambio no son da banda, amosando máis influencias electrónicas e introducindo caixas de ritmos e sintetizadores en practicamente todos os temas.

Comercialmente quedou moi lonxe do éxito obtido polos dous discos anteriores da banda, Siamese Dream e Mellon Collie and the Infinite Sadness, vendendo unicamente 1,1 millóns de copias. Porén, recibiu boas críticas e incluso obtivo un nomeamento, á mellor actuación de música alternativa, nos premios Grammy de 1999.

Listaxe de cancións

Todos os temas escritos por Billy Corgan.

1. "To Sheila" – 4:40
2. "Ava Adore" – 4:20
3. "Perfect" – 3:23
4. "Daphne Descends" – 4:38
5. "Once Upon a Time" – 4:06
6. "Tear" – 5:52
7. "Crestfallen" – 4:09
8. "Appels + Oranjes" – 3:34
9. "Pug" – 4:46
10. "The Tale of Dusty and Pistol Pete" – 4:33
11. "Annie-Dog" – 3:36
12. "Shame" – 6:37
13. "Behold! The Night Mare" – 5:12
14. "For Martha" – 8:17
15. "Blank Page" – 4:51
16. "17" – 0:17

A edición xaponesa ten unha canción máis, "Once in a While", que aparece no corte 16, sendo "17" a derradeira canción ocupando o lugar do mesmo nome que o tema.