Abrir o menú principal

Abel Fernández

futbolista español

Abel Fernández Valencia, nado en Madrid o 2 de outubro de 1937, foi un futbolista que xogaba na demarcación de dianteiro.

Abel Fernández
Nome completoAbel Fernández Valencia
Nacemento2 de outubro de 1937
 Madrid
Falecemento23 de abril de 2018
NacionalidadeEspaña
Ocupaciónfutbolista
editar datos en Wikidata ]

TraxectoriaEditar

A carreira futbolística deste gran goleador transcorreu principalmente no Racing de Santander, onde foi pichichi de Segunda División na tempada 1963-64, e no Real Club Celta de Vigo. Chega ao Celta procedente de Santander no verán de 1965 a cambio de 1 200 000 pesetas ca vitola de gran goleador de Segunda División.

A súa primeira tempada en Vigo foi espectacular rematando o ano como máximo goleador da categoría con 26 goles, pese ao que o equipo rematou na segunda posición e non logrou superar a fase de promoción fronte ao Sabadell.

Ao ano seguinte volve a demostrar a súa facilidade anotadora con 17 tantos, fallando tamén o colectivo no referido ao ascenso.

Na tempada 1967-68 o xogador madrileño volve repetir a cifra goleadora compartindo o pichichi co seu compañeiro de equipo Rivera. Ese ano o Celta faría un gran papel na Copa de España, da que foi apeada en semifinais contra o Real Madrid cunha actuación arbitral bastante discutida. No trofeo copero o dianteiro madrileño marcaría outros catro goles.

Ao ano seguinte o Celta por fin conseguiría o ansiado ascenso a Primeira División volvendo a ser Abel o máximo goleador do equipo con trece goles, e poñendo fin a unha longa estancia de dez anos do club en Segunda División.

A tempada do regreso do Celta á máxima categoría, a 1969-70, sería tamén a última de Abel na disciplina celeste, pois concédeselle a baixa ao rematar o curso pero podería chegar a debutar en Primeira División marcando 10 goles

É probábel que Abel Fernández, cunhas cifras tan impresionantes como 83 goles en 143 encontros de Liga, non sexa tan coñecido non popular á causa da época que lle tocou vivir no Celta, xa que catro dos cinco anos en Vigo transcorreron en Segunda División.

Véxase taménEditar