Área de Halifax (Florida)
|
Área de Halifax | |
| |
| Maiores cidades | Daytona Beach |
| Fuso horario | EST-Eastern Standard Time: UTC-5 |
A Área Urbanizada de Daytona Beach-Port Orange, localizada na Área de Halifax. | |
A Área de Halifax (inglés: Halifax Area) ou simplemente Daytona é unha rexión vernácula no estado de Florida, que comprende a área situada ao redor de Daytona Beach. Comprende aproximadamente a Área Metropolitana de Daytona Beach e o Condado de Volusia, Florida. Houbo un bo feixe de intentos de establecer unha identidade rexional para Daytona, incluíndo as xa empregadas de "Costa do Surf" (Surf Coast) e "Costa da Diversión (Fun Coast). O nome de "Área de Halifax" refírese ao Río Halifax, que discorre a través de Daytona Beach e outros concellos próximos.
Historia editar
A área ao redor do río Halifax mantivo poboacións estables desde finais do século XIX, e obtivo fama internacional polas súas praias e as súas carreiras de automóbiles desde principios do século XX. Porén, levaba décadas sendo unha rexión popular para ás áreas lindeiras. Hoxe, a rexión coñécese de xeito habitual simplemente como "Daytona" ou a "área de Halifax"[1].
Como moitas outras partes de Florida, houbo moitos intentos de crear unha identidade rexional para a área de Halifax. Habitualmente estas tentativas introducían o termo "Costa", como sucede con Gold Coast, Space Coast e First Coast. Na década de 1970, promotores turísticos bautizaron a área como a "Costa do Surf". O concepto foi a continuación adoptado pola poboación en xeral, aparecendo en publicacións da época e nunha enquisa elaborada en 1982 sobre as rexións de Florida polos xeógrafos Ary J. Lamme e Raymond K. Oldakowski. Máis adiante, non obstante, o emprego e o recoñecemento de "Costa do Surf" decaeu. De feito, unha actualización da enquisa de Lamme e Oldakowski elaborada en 2007 constatou que era unha das rexións menos coñecidas de Florida, sendo mencionada explicitamente só por un dos enquisados e aparecendo só moi de vez en cando en publicacións e en materias promocionais da área[2].
Na década de 1990 os promotores iniciaron unha nova campaña de mercadotecnia para alcumar á rexión como a "Costa da Diversión" (Fun Coast). Esta marca tivo previamente unha boa aceptación nas áreas de Saint Petersburg, na década de 1980[3], e en Fort Lauderdale, en 1993[4]. Sobre 1995 os promotores deron pulo ao emprego de "Costa da Diversión" para os condados de Volusia e Flagler conxuntamente[5]. En 1999, cando a área de Halifax estaba a punto de abandonar o indicativo rexional telefónico co número "904", a Cámara de Comercio da Área de Daytona Beach/Halifax apertou para obter como novo indicativo rexional o número aínda non asignado de "386", que deletreado nun teclado telefónico podía lerse en inglés como "FUN" (diversión). Esta medida, apoiada por varios gobernos oficiais, axencias e residentes, obtivo éxito e o indicativo rexional co número 386 foi outorgado para a área ao redor de Daytona[6][7], así como para partes confinantes de Northeast Florida (o condado de Putnam) e Central Florida (o condado de Seminole), e non confinantes (os condados de Hamilton, Suwannee, Lafayette, Union e Columbia) de North Central Florida[8].
Independentemente destas campañas, as formas "área de Halifax" e "Daytona" continúan sendo as máis comúns par referirse a esta rexión polas organizacións locais[1].
Notas editar
- ↑ 1,0 1,1 (Lamme & Oldakowski 2007, p. 332).
- ↑ (Lamme & Oldakowski 2007, p. 332-333).
- ↑ (Moss & 27-1-1988).
- ↑ "Fun Coast? Dizzy World is more like it". Miami Herald (en inglés). 31-8-1993.
- ↑ (Evans & 16-7-1995).
- ↑ Laff, Michael (16-6-1999). "Officials Hang on for New Area Code Split Imminent for 904 Calling Area". Daytona Beach News-Journal (en inglés).
- ↑ Koslow, Bob (17-8-2000). "PSC Set to Release Area Code Proposal". Daytona Beach News-Journal (en inglés).
- ↑ Florida Public Service Commission (ed.). "Area Code Information Page" (en inglés). Distribución en plano do prefixo telefónico 386 no mapa de Florida.
Véxase tamén editar
Referencias xornalísticas editar
- "Fun Coast? Dizzy World is more like it". Miami Herald (en inglés). 31-8-1993. Consultado o 6-12-2012.
- Evans, John E. (16-7-1995). "Why don't we try harder to promote Volusia?". Daytona Beach News Journal (en inglés). Consultado o 6-12-2012.
- Lamme, Ary J.; Oldakowski, Raymond K. (2007). University of North Carolina Press, ed. "Spinning a New Geography of Vernacular Regional Identity: Florida in the Twenty-First Century". Southeastern Geographer (en inglés) 47 (2): 320–340. doi:10.1353/sgo.2007.0029.
- Moss, Bill (27-1-1988). "Tourism ad drives home its point". St. Petersburg Times (en inglés). Arquivado dende o orixinal o 22-3-2016. Arquivado 22-03-2016 en Wayback Machine.