Xosé Manuel Domínguez Prieto
Xosé Manuel Domínguez Prieto, nado en Madrid en 1962, é un escritor galego de ensaio e doutor en filosofía.
| Biografía | |
|---|---|
| Nacemento | 1962  (61/62 anos)Madrid, España |
| Datos persoais | |
| País de nacionalidade | España |
| Educación | Universidade Complutense de Madrid |
| Actividade | |
| Campo de traballo | Filosofía, psicoloxía e familia |
| Ocupación | escritor , profesor universitario |
| Empregador | Universidade Pontificia de Salamanca Universidad Nacional de Educación a Distancia Universidad Francisco de Vitoria (en)  |
| Lingua | Lingua castelá |
  | |
Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. |
Traxectoria editar
Licenciado e Doutor en Filosofía pola Universidade Complutense de Madrid, foi profesor de ensino medio no IES Eduardo Blanco Amor de Ourense, profesor-titor de Psicoloxía, de Antropoloxía filosófica e de Historia da Filosofía Antiga, Medieval, Moderna e Contemporánea na UNED e mais na Universidade Pontificia de Salamanca. Tamén foi profesor invitado da Universidade Católica Nuestra Señora de la Asunción (Asunción, Paraguai) e profesor de Filosofía no Instituto Superior de Ciencias Relixiosas San Agustín. Foi investigador do "Instituto de Investigaciones económicas y sociales" da Universidade Francisco de Vitoria de Madrid.
Colaborou con artigos de contido filosófico en La Región, Galicia Hoxe, Encrucillada ou La Voz de Galicia. É membro do Instituto Emmanuel Mounier e da Asociación de Escritoras e Escritores en Lingua Galega.
Actualmente dirixe o Instituto da Familia en Ourense, fundación benéfico-social de ámbito galego vencellada ao bispado de Ourense e centrada, entre outros, na formación e acompañamento relacionado co que se coñece como «coaching familiar». Nesta institución, dirixe o Máster en Acompañamento e coaching familiar e matrimonial, avalado pola Universidade Francisco de Vitoria e pola Universidade Católica de Ávila.
Ademais, dirixe o Centro de Acompañamento Familiar Edith Stein, tamén na cidade de Ourense, e o Instituto Internacional de Acompañamento.
Obras en galego editar
Ensaio editar
- Sobre a alegría (Ensaio de antropoloxía metafísica), 1995, Espiral Maior.
- Alén da libido. Do sexo á sexualidade, 1998, gañador do Premio Espiral Maior de Ensaio.
- Unha ética da economía. Da ética neoliberal á ética personalista, 1999, Ediciós do Castro.
- Fons societatis, 2000, gañador do I Premio Liceo de Ourense de Ensaio.
- Emmanuel Mounier, 2002, Baía Edicións.
- Xavier Zubiri, 2003, Baía Edicións.
Obras colectivas editar
- Dicionario galego de filosofía, 2005, TresCTres. Con Manuel Rivas García e Moisés Lozano Paz.
Obras en castelán editar
Ensaio editar
- Joaquina de Vedruna, 1999, Editorial Monte Carmelo.
- Viktor Frankl, 2000, IEM, Indosoc.
- La familia y sus retos, 2002, Editorial Mounier.
- La revolución personalista y comunitaria en Mounier, 2002, Editorial Mounier.
- Para ser persona, 2002, Editorial Mounier.
- Ética del docente, 2003, Editorial Mounier.
- Historia de la Filosofía, 2003, Editorial Mc Graw Hill.
- Llamada y proyecto de vida 2005, PPC Editorial.
- El profesor cristiano: identidad y misión, 2012, PPC Editorial.
- Despierta y alégrate 2016, PPC Editorial.
- El arte de acompañar 2017, PPC Editorial.
- Veinticinco lecciones para ser infeliz 2018, PPC Editorial.