Ramón Fraga Couceiro
Ramón Fraga Couceiro, coñecido como Parará, Pedro e Saturno, nado en Centroña (Pontedeume) o 2 de febreiro de 1907 e finado en Sillobre no inverno de 1945, foi un guerrilleiro antifranquista galego.
| Biografía | |
|---|---|
| Nacemento | 2 de febreiro de 1907  Centroña, España |
| Morte | 1945 (37/38 anos) Sillobre, España |
| Datos persoais | |
| Outros nomes | Parará |
| País de nacionalidade | España |
| Actividade | |
| Ocupación | membro da resistencia |
| Lingua | Lingua castelá |
| Carreira militar | |
| Conflito | Guerra civil española |
Traxectoria editar
Carpinteiro e inspector de arbitrios. Implicado nas protestas pola detención de José Varela Porca, Francisco Rodríguez Maroño e José María Blanco Barros acusados do incendio da igrexa de Castro, intentan detelo 13 de abril de 1936. Preséntase o 6 de maio e ingresa en prisión preventiva ata o 17, en que foi posto en liberdade provisional coa obriga de presentarse os sábados ante a Garda Civil. Co golpe de Estado do 18 de xullo de 1936 fuxiu e botouse ao monte. Foi reclamado polo Goberno civil da Coruña en setembro de 1936.[1] Foi xulgado en Ferrol por rebelión militar e declarado en rebeldía. Incoáronlle expediente de responsabilidades políticas en agosto de 1941.[2] Foi enlace da guerrilla na zona de Lugo. Despois dunha incursión en 1945 regresou á comarca de Eume e adoptou unha dobre actitude, actuou como guerrilleiro no grupo de José Vázquez Mauriz e Ramiro Martínez López e realizou ataques pola súa conta (parece que esquilmado aos veciños da Capela para comprar un barco para fuxir a Francia). As súas actividades delitivas motivaron a súa eliminación pola propia guerrilla no monte Marraxón (Sillobre) no inverno de 1945. O seu corpo foi atopado no monte Marraxón o 17 de xaneiro de 1946.
Vida persoal editar
Casou con María Allegue Ferraces e foi pai de catro fillos.
Notas editar
Véxase tamén editar
Bibliografía editar
- Máiz, Bernardo (1988). Galicia na II República e baixo o franquismo. Vigo: Xerais. p. 172. ISBN 84-7507-320-4.
- Martínez, Lupe (2023). Guerrilleir@s antifranquistas da provincia da Coruña. Vigo: Galaxia. pp. 227–228. ISBN 978-84-1176-172-7.
Ligazóns externas editar
- Ramón Fraga Couceiro na páxina web Nomes e Voces.
- Ficha en los de la sierra (en francés)