Maquinaria y Elementos de Transporte
Maquinaria y Elementos de Transporte foi un fabricante español de automóbiles con sede en Barcelona, tamén coñecida como Maquitrans[1] ou pola abreviatura MT.
Maquinaria y Elementos de Transporte | |
---|---|
Logotipo de MT | |
MT de 1957 | |
Tipo | Sociedade anónima |
Fundación | 1957 |
Localización | Barcelona España |
Industria | Transporte |
Produtos | Automóbil |
[ editar datos en Wikidata ] |
Historia da Compañía editar
Durante os anos 1940 constituíuse esta empresa, filial de Tranvías de Barcelona, cuxa principal dedicación era a de adaptar antigos autobuses para o seu uso como trolebúses, para esquivar a escaseza de combustibles trala Guerra Civil Española. A empresa Maquinaria y Elementos de Transporte, coñecida como MT, localizábase na rúa Luchana en Barcelona, a principios dos anos 1950, cando empezou a fabricar scooters e uns motocarros vendidos como motriciclos. En 1957 comezou coa produción de automóbiles, pero no mesmo ano detivo a produción, polo que tan só producíronse uns poucos exemplares.
O único modelo de automóbil foi un triciclo motorizado baseado no mesmo chasis que os motocarros, pero ao que se lle substituíu o guiador por un volante. A carrozaría estaba aberta e provía de espazo suficiente para dúas persoas. Montaba un motor traseiro de fabricación propia dun só cilindro de 175 cc e 6´9 cv a 4500 rpm. con arranque eléctrico, o motor se montaba diante da única roda traseira cun deseño de motor central. Tiña rodas de 3´50 x 10, freos hidráulicos diante e mecánico atrás. Alcanzaba os 67 Km/hora.
Un primeiro prototipo conservouse ata os nosos días, o que se pode ver na imaxe do artigo. Foi tomado como base para o modelo definitivo, tras engadir un carenado completo na zona traseira do motor, quedando toda a mecánica oculta. Do modelo definitivo fabricáronse unhas 20 unidades, das que só se ten constancia que sobreviva un.
Notas editar
- ↑ "MT (Maquitrans) (1954 - 1957)" (en castelán). Consultado o 9 de xaneirode 2014.
Véxase tamén editar
Bibliografía editar
- Walter Zeichner: Kleinwagen International, Motorbuch-Verlag, Stuttgart 1999, ISBN 3-613-01959-0
Ligazóns externas editar
Wikimedia Commons ten máis contidos multimedia na categoría: Maquinaria y Elementos de Transporte |