Manuel Díaz González "Ligero"
Manuel Díaz González, coñecido como Ligero, nado en Camposancos (A Guarda) o 22 de decembro de 1923 e finado na Guarda o 21 de outubro de 1989, foi un político galego do PPdeG.
| Biografía | |
|---|---|
| Nacemento | 22 de decembro de 1923  Camposancos, España |
| Morte | 21 de outubro de 1989 (65 anos) A Guarda, España |
| Alcalde | |
| | |
| Datos persoais | |
| Outros nomes | Ligero |
| País de nacionalidade | España |
| Actividade | |
| Ocupación | político |
| Lingua | Lingua castelá |
Traxectoria editar
Foi peón e albanel na empresa Moreira. Dedicouse ao estraperlo e despois ao contrabando de tabaco[1]. Logo de pasar polo cárcere de Carabanchel, foi condenado no macroxuízo 11/84[2].
Presidiu o Club Sporting Guardés. Foi Tenente Alcalde da Guarda con Raimundo Lomba González e Raúl González Puebla. Foi deputado provincial dende 1983. Nas municipais de 1987 encabezou a candidatura de Alianza Popular e foi elixido alcalde da Guarda con maioría absoluta, permanecendo no cargo ata o seu falecemento en 1989.
| Predecesor: Raúl González Puebla |
 Alcalde da Guarda 1987 - 1989 |
Sucesor: Purificación Álvarez Álvarez |
Vida persoal editar
Casou con Lucía Martínez Veloso.
Recoñecementos editar
En 1990 foi nomeado fillo predilecto da Guarda e inaugurouse un monumento na súa memoria[3][4].
Notas editar
- ↑ Jabois, Manuel (18 de setembro de 2015). "La gente más honrada". El País (en castelán). Arquivado dende o orixinal o 22 de marzo de 2017. Consultado o 15 de decembro de 2016.
- ↑ Carretero, N. (2015): Fariña. Libros del K.O., páx. 40.
- ↑ "Homenaje al Alcalde Manuel Díaz González "Ligero"". Páxinas da Guarda. 3 de xullo de 2014. Arquivado dende o orixinal o 18 de abril de 2018. Consultado o 16 de decembro de 2016.
- ↑ "Antúnez Díaz inmortalizó al ex alcalde guardés Manuel Díaz", La Voz de Galicia, 20 de xaneiro de 2008 (en castelán).