Lubián, Zamora

Lubián, Zamora
Localización
	42°02′06″N 6°54′25″O / 42.035, -6.9069444444444Coordenadas: 42°02′06″N 6°54′25″O / 42.035, -6.9069444444444
Estado	España
Comunidade autónoma	Castela e León
Provincia	provincia de Zamora
Capital	Lubián
Contén a división administrativa	Aciveiros ; As Hedradas ; Chaos ; Edroso ; Lubián ; Padornelo
Poboación
Poboación	306 (2023) (3,24 hab./km²)
Xeografía
Parte de	Q107554262
Superficie	94,46 km²
Altitude	1.030 m
Comparte fronteira con	Pías ; Hermisende ; Requeixo de Seabra ; Porto ; A Mezquita
Organización política
• Alcalde	Felipe Lubián
Identificador descritivo
Código postal	49570
Fuso horario	UTC+01:00
Código INE	49100
Páxina web	ayuntamientolubian.es

Para outras páxinas con títulos homónimos véxase: Lubián.

Lubián é un concello da provincia de Zamora, situado na zona das Portelas, na comarca da Seabra. Está encadrado na denominada Alta Seabra e atópase situado xunto á provincia de Ourense, limítrofe á comarca de Viana, e próximo á fronteira con Portugal, á altura da rexión histórica de Tras os Montes. No seu termo municipal atópanse as localidades de Aciveiros, Os Chous, As Hedradas, Hedroso, Lubián e Padornelo. Este concello galegofalante^[1] é considerado tradicionalmente como un dos 48 concellos da Galicia estremeira.

Poboación editar

Lubián posúe unha poboación moi avellentada, onde só o 4,14% da poboación ten 15 anos ou menos (SIE 2010).

Evolución demográfica
1991	1996	2001	2004	2011
441	307	355	362	354

Monumentos editar

Entre os seus edificios destacan as escaleiras exteriores e os típicos balcóns da arquitectura xabresa. Entre os seus monumentos destacan dende construcións relixiosas como a Igrexa de San Mamede de estilo barroco tardío ou o Santuario da Virxe da Tuíza, que conserva no seu interior a Virxe das Neves (patroa da Alta Seabra), ata un castro celta como o das Muradellas (século III a.C.), pasando por trampas para a caza de lobos como O Cortello dos Lobos.^[2]

O camiño editar

Esta vila é o última do Camiño Mozárabe-xabrés ao seu paso por Castela e León. Nesta poboación o peregrino atopa a primeira das máis dun cento de "pedras", todas diferentes, realizadas polo escultor ourensán Carballo e dispostas ao longo do trazado pola provincia de Ourense.

Festas editar

Virxe da Tuíza: 5 de agosto.
Festa local: 8 e 9 de setembro.
Romaxe da Tuíza: Último fin de semana de setembro.
Tamén hai máis festas que organiza o concello.

Concello editar

A alcaldía leva varias lexislaturas en mans do Partido Socialista de Castela e León, sendo clave para iso a figura de Felipe Lubián, alcalde do concello desde 1979 ata a actualidade^[3].

Notas editar

↑ Áreas galegofalantes fóra de Galicia Arquivado 20 de agosto de 2013 en Wayback Machine. Secretaría Xeral de Política Lingüística.
↑ "Patrimonio artístico Camiño Sanabrés, arquitectura de Lubian". Arquivado dende o orixinal o 13 de agosto de 2013. Consultado o 07 de agosto de 2013.
↑ Concello de Lubian Arquivado 22 de novembro de 2011 en Wayback Machine. (en castelán).

Véxase tamén editar

Outros artigos editar

Ligazóns externas editar

Vídeo promocional do Concello de Lubián.- Youtube (2023).

[1] Áreas galegofalantes fóra de Galicia Arquivado 20 de agosto de 2013 en Wayback Machine. Secretaría Xeral de Política Lingüística.

[2] "Patrimonio artístico Camiño Sanabrés, arquitectura de Lubian". Arquivado dende o orixinal o 13 de agosto de 2013. Consultado o 07 de agosto de 2013.

[3] Concello de Lubian Arquivado 22 de novembro de 2011 en Wayback Machine. (en castelán).

[1]

[2]

[3]