José Lage Lage
José Lage Lage, nado en Foncuberta (Maceda) o 18 de xuño de 1938[1] e finado en Ourense o 9 de decembro de 2007[2], foi un economista e político galego.
| Biografía | |
|---|---|
| Nacemento | 18 de xuño de 1938  Foncuberta, España |
| Morte | 9 de decembro de 2007 (69 anos) Ourense, España |
 Deputado do Parlamento de Galicia | |
| | |
| Datos persoais | |
| País de nacionalidade | España |
| Educación | Universidade de Barcelona |
| Actividade | |
| Ocupación | político , economista |
| Lingua | Lingua galega e lingua castelá |
Traxectoria editar
Licenciouse en Ciencias Económicas pola Universidade de Barcelona[3] e foi presidente do consello de administración da Caixa de Aforros Provincial de Ourense. Foi concelleiro en Maceda, deu o salto ao Concello de Ourense, sendo concelleiro responsable de Tráfico. Entre 1981 e 1985 foi deputado no Parlamento de Galicia de man da UCD. No ano 1989 foi reelixido deputado, desta volta da man do PPdG, estando no parlamento ata 1996.
Foi delegado en Ourense da Consellería de Xustiza, Interior e Relacións Laborais (1997-2003) e da Consellería de Asuntos Sociais, Emprego e Relacións Laborais (2003-2005). Xubilouse no ano 2005. A mediados de outubro de 2007 sufriu un grave accidente de tráfico, do que xa non logrou recuperarse. Os seus restos repousan no camposanto da súa parroquia natal[4].
Vida persoal editar
Casou con Raquel Vidal Docampo e tiveron dous fillos.
Notas editar
- ↑ Barrera, Feliciano, ed. (2002). "Lage Lage, José". Gallegos. Quién es quien en la Galicia del siglo XXI (en castelán). Santiago de Compostela: El Correo Gallego. p. 308. ISBN 84-8064-113-4.
- ↑ "Fallece José Lage, ex delegado de la Xunta y parlamentario autonómico durante 10 años". La Región. 10 de decembro de 2007.
- ↑ VV.AA. (2017). 35 anos do Parlamento de Galicia. Reseñas biográficas dos deputados e deputadas da cámara (PDF). Parlamento de Galicia. p. 187.
- ↑ "Fallece el veterano político ourensano José Lage". La Voz de Galicia. 10 de decembro de 2007.