José Ángel Jurado
José Ángel Jurado de la Torre, coñecido simplemente como José Ángel, nado en Sevilla o 21 de xuño de 1992, é un futbolista español que xoga como centrocampista no Deportivo da Coruña, da Primeira División RFEF.
| José Ángel | |||
|---|---|---|---|
| Información persoal | |||
| Nome | José Ángel Jurado de la Torre | ||
| Nacemento | 21 de xuño de 1992 | ||
| Lugar de nacemento | Sevilla | ||
| Altura | 1,82 m. | ||
| Posición | Centrocampista | ||
| Información de club | |||
| Club actual | Deportivo da Coruña | ||
| Número | 20 | ||
| Carreira xuvenil | |||
| Betis | |||
| Carreira sénior | |||
| Anos | Equipos | Aprs | (Gls) |
| 2010–2011 | Betis B | 23 | (1) |
| 2011–2014 | Villarreal B | 53 | (4) |
| 2011–2012 | → Mirandés | 22 | (0) |
| 2014–2015 | Almería | 37 | (1) |
| 2014–2017 | Almería | 37 | (1) |
| 2017–2019 | Bodø/Glimt | 50 | (1) |
| 2019 | Sheriff | 13 | (2) |
| 2019–2021 | Cartagena | 49 | (2) |
| 2021–2022 | Al Wahda | 10 | (1) |
| 2022 | Alcorcón | 17 | (1) |
| 2022–2023 | Tenerife | 27 | (1) |
| 2023– | Deportivo da Coruña | 3 | (1) |
|
Partidos e goles só en liga doméstica. Club: actualizado a 11 de setembro de 2023. [ editar datos en Wikidata ] | |||
Traxectoria editar
Formado como futbolista na canteira do Real Betis, debutou co filial na Segunda División B na tempada 2010/11. En xullo de 2011 fichou por outro filial, Villarreal B, e foi inmediatamente cedido ao Mirandés, da mesma categoría.[1]
Disputou 24 partidos co equipo de Miranda de Ebro durante a tempada 2011/12, proclamándose campión do seu grupo e logrando o ascenso á Segunda División na promoción. A continuación regresou ao Villarreal B, no que militou durante as seguintes dúas campañas, disputando 53 partidos e logrando 4 goles. En xullo de 2014 fichou polo Almería B, tamén de Segunda B.[2]
Titular indiscutible no filial almeriense, disputou un total de 37 encontros, contribuíndo á clasificación do equipo para a promoción de ascenso. O 5 de decembro de 2014 debutou co primeiro equipo do Almería, da man do adestrador Francisco, substituíndo a Corona na segunda metade dun partido da Copa do Rei ante o Betis no Benito Villamarín.[3] No verán de 2015 subiu ao primeiro equipo, que viña de descender á Segunda División.[4] Xogou na categoría de prata durante unha tempada e media ata que o seu contrato foi rescindido en xaneiro de 2017.[5]
En marzo deixou o fútbol español e instalouse en Noruega, onde asinou contrato co FK Bodø/Glimt da Primeira División, segunda categoría do fútbol noruegués.[6] Co equipo amarelo proclamouse campión da categoría e logrou así o ascenso á Eliteserien, na que militou durante a campaña 2018. O 15 de febreiro de 2019 anunciouse a súa marcha á capital de Transnistria, cedido ata final de tempada no FC Sheriff Tiraspol.[7] Ali conquistou a Copa de Moldavia, sendo titular na final contra o Sfîntul Gheorghe. O seu equipo acabou gañando tamén a Super Liga moldava, aínda que José Ángel deixou o club uns meses antes do remate da competición, regresando a España a finais de agosto e fichando polo FC Cartagena, de Segunda B.[8]
Na súa primeira tempada na Efesé disputou un total de 18 partidos, sendo habitualmente suplente de Adalberto Carrasquilla e Miguel Ángel Cordero, e conseguiu o ascenso á Segunda División.[9] Na seguinte campaña, xa na categoría de prata, fíxose coa titularidade e contribuíu á permanencia en Segunda do equipo de Borja Jiménez. En xullo de 2021 renovou o seu contrato por un ano máis,[10] pero só dúas semanas despois anunciouse o seu traspaso ao Al Wahda FC, club dos Emiratos Árabes Unidos.[11][12]
O 12 de xaneiro de 2022 regresou ao Cartagena, tras chegar a un acordo coa entidade ata o final da campaña,[13] pero só tres días despois, o club anunciou a súa marcha, ante a imposibilidade de inscribilo na liga.[14] O 16 de xaneiro asinou co Alcorcón, tamén de Segunda.[15] Militou no club madrileño ata final de tempada e a continuación xogou un ano no Tenerife, ás ordes de Ramis.[16]
Para a tempada 2023/24 fichou polo Deportivo da Coruña, da Primeira División RFEF.[17]
Notas editar
- ↑ Garraza, Ángel (11 de setembro de 2023). "El Mirandés incorpora al centrocampista José Ángel Jurado y al lateral zurdo Ernesto" (en castelán). Consultado o 11 de setembro de 2023.
- ↑ Miralles, Carlos (14 de xullo de 2014). "El Almería B ficha a José Ángel" (en castelán). Consultado o 11 de setembro de 2023.
- ↑ "El Betis recuerda quién es... demasiado tarde". Marca (en castelán). Consultado o 11 de setembro de 2023.
- ↑ "Cuatro jugadores del filial tienen contrato con el primer equipo, pero también pueden ser cedidos" (en castelán). 14 de xuño de 2015. Consultado o 11 de setembro de 2023.
- ↑ "La UD Almería rescinde el contrato al centrocampista José Ángel" (en castelán). 31 de xaneiro de 2017. Consultado o 11 de setembro de 2023.
- ↑ "José Ángel klar for Glimt" (en noruegués). 17 de marzo de 2017. Arquivado dende o orixinal o 28 de xullo de 2023. Consultado o 11 de setembro de 2023.
- ↑ "Добро пожаловать, Хосе Хурадо" (en ruso). 19 de outubro de 2015. Consultado o 11 de setembro de 2023.
- ↑ Moya, Francisco J. (27 de agosto de 2019). "El Cartagena contrata al centrocampista José Ángel Jurado y ficha para su filial a Roselli y Leomar" (en castelán). Consultado o 11 de setembro de 2023.
- ↑ "Bendito problema para Borja" (en castelán). 1 de xullo de 2020. Consultado o 11 de setembro de 2023.
- ↑ "José Ángel seguirá defendiendo el escudo del FC Cartagena una temporada más" (en castelán). 8 de xullo de 2021. Consultado o 11 de setembro de 2023.
- ↑ "Comunicado oficial. Acuerdo para el traspaso de José Ángel Jurado al Al-Wahda" (en castelán). 23 de xullo de 2021. Consultado o 11 de setembro de 2023.
- ↑ Prian, Álvaro (23 de xullo de 2021). "José Ángel Jurado, de renovar a ser traspasado al Al-Wahda". Marca (en castelán). Consultado o 11 de setembro de 2023.
- ↑ "José Ángel regresa al Cartagena" (en castelán). 12 de xaneiro de 2022. Consultado o 11 de setembro de 2023.
- ↑ "Comunicado oficial: José Ángel" (en castelán). 15 de xaneiro de 2022. Consultado o 11 de setembro de 2023.
- ↑ "José Ángel Jurado, tercera incorporación del Alcorcón". As (en castelán). 16 de xaneiro de 2022. Consultado o 11 de setembro de 2023.
- ↑ "José Ángel, primer refuerzo para el CD Tenerife en la temporada 22/23" (en castelán). 3 de xullo de 2023. Consultado o 11 de setembro de 2023.
- ↑ "Jose Ángel Jurado, novo xogador do Dépor 2023-24". 25 de xullo de 2023. Consultado o 11 de setembro de 2023.