Joan Robinson

Joan Robinson, nada en Camberley o 31 de agosto de 1903 e finada Cambridge o 5 de agosto de 1983, foi unha economista inglesa que formou parte da chamada escola poskeynesiana de Cambridge, Inglaterra. Constitúe un paradigma de economista heterodoxa, xa que as súas teorizacións reuniron elementos das máis diversas escolas, opoñéndose en xeral ás diferentes ortodoxias dominantes na economía a medida que transcorreu o século.

Joan Robinson

Nome orixinal	(en) Joan Violet Robinson
Biografía
Nacemento	(en) Joan Violet Maurice 31 de outubro de 1903 Camberley, Reino Unido (pt)
Morte	5 de agosto de 1983 (79 anos) Cambridge, Reino Unido
Datos persoais
País de nacionalidade	Reino Unido de Gran Bretaña e Irlanda (–1927) Reino Unido
Educación	St Paul's Girls' School (en) Girton College Universidade de Cambridge
Director de tese	John Maynard Keynes
Actividade
Ocupación	economista , profesora universitaria
Empregador	Newnham College (en)
Membro de	Academia das Artes e das Ciencias dos Estados Unidos Academia Británica
Alumnos	Amartya Sen
Lingua	Lingua inglesa
Obra
Doutorando	Amartya Sen e Donald Moggridge
Familia
Cónxuxe	Austin Robinson
Pais	Frederick Barton Maurice (en)   e Margaret Helen Marsh (en)
Irmáns	Nancy Maurice (en)
Premios  Membro da Academia Británica  Membro da Academia Estadounidense das Artes e as Ciencias

Pensamento económico de Joan Robinson

Robinson participou como colaboradora na obra de Keynes publicada en 1936: A teoría xeral da ocupación, o interese e o diñeiro recibindo o recoñecemento do autor no prólogo da obra. En 1942 publicou un ensaio sobre economía marxista tentando rescatar os aspectos conceptuais, puramente económicos, da obra de Karl Marx desligándose de dogmatismos que impedían realizar unha lectura académica do Capital.

Os seus achegues máis recoñecidos viñeron do seu traballo na teoría do capital e do crecemento económico nas décadas de cincuenta e sesenta. Non aceptou a teoría neoclásica do capital, a cal fora adoptada polos economistas da Síntese Clásico-Keynesiana con Robert Solow e Paul Samuelson á cabeza. Protagonizou con devanditos economistas a chamada Controversia entre as dúas Cambridges en relación coa teoría do capital e as súas implicacións na teoría do crecemento.