Javier Krahe

Javier Krahe de Salas, coñecido como Javier Krahe, nado en Madrid o 30 de marzo de 1944 e finado en Zahara de los Atunes o 12 de xullo de 2015, foi un cantautor e poeta español. O seu estilo caracterizábase polas letras satíricas e un uso habitual da rima consoante. Gravou 15 discos e foi cofundador do selo discográfico independente 18 Chulos. Durante unha etapa actuou canda o tamén cantautor Joaquín Sabina.

Javier Krahe

Biografía
Nacemento	(es) Francisco Javier Krahe Salas 30 de marzo de 1944 Madrid, España
Morte	12 de xullo de 2015 (71 anos) Zahara de los Atunes, España
Causa da morte	Morte natural  (Infarto agudo de miocardio )
Datos persoais
País de nacionalidade	España
Actividade
Ocupación	cantautor
Período de actividade	1980 - 2015
Xénero artístico	Música tradicional e Nueva canción
Instrumento	Voz, mirlitão (pt) e Harmónica
Selo discográfico	CBS (1980–1985) Hispavox (1987–1988) Discos Lollipop (1988–1997) 18 Chulos (en) (1999–)
Páxina web	javierkrahe.com
Lista infarto agudo de miocardio

Biografía

Nado en Madrid o 30 de marzo de 1944, estudou no Colegio del Pilar. Iniciou estudos de Ciencias empresariais, pero deixounos para dedicarse ao cine como axudante de dirección.

Logo de facer o servizo militar, coñece ao amor da súa vida en París, a canadense Annick, coa que parte ao Canadá, onde empeza a súa carreira como letrista, inspirado polo exemplo de Georges Brassens e Leonard Cohen. O seu irmán Jorge ocúpase de musicar os textos. Compón algunhas cancións que interpreta, entre outros, Rosa León.

Xa en España, Chicho Sánchez Ferlosio anímalle a actuar en locais como "La Aurora", onde coñece a Joaquín Sabina e Alberto Pérez. Como trío gravan o disco La mandrágora (1981), que toma o seu nome dun dos locais onde adoitaban actuar neses días. Tamén actúa en TVE no programa Si yo fuera presidente.

Faleceu dun infarto de miocardio en Zahara de los Atunes, provincia de Cádiz, o 12 de xullo de 2015.

Discografía

• Valle de lágrimas (1980)
• La mandrágora (1981)
• Aparejo de fortuna (1984)
• Corral de cuernos (1985)
• Haz lo que quieras (1987)
• Elígeme (en vivo) (1988)
• Sacrificio de dama (1993)
• Versos de tornillo (1997)
• Dolor de garganta (1999)
• Cábalas y cicatrices (2002)
• ...Y todo es vanidad (2004)
• Cinturón negro de karaoke (2006)
• Querencias y extravíos (2007)

Véxase tamén

Ligazóns externas

• Páxina non oficial sobre o artista (en castelán)
• Foro sobre Javier Krahe (en castelán)

---

Este artigo sobre música é, polo de agora, só un bosquexo. Traballa nel para axudar a contribuír a que a Galipedia mellore e medre.  Existen igualmente outros artigos relacionados con este tema nos que tamén podes contribuír.

---