Jared Cunningham

Jared Cunningham
Posición	Escolta
Información persoal
Nacemento	22 de maio de 1991 (32 anos); Oakland (California)
Nacionalidade	Estados Unidos
Altura	1,93 m (6 ft 4 in)
Peso oficial	88 kg (195 lb)
Información da carreira
Instituto	San Leandro HS
Universidade	Oregon State (2009–2012)
NBA Draft	2012 / Rolda: 1 / Elección: 24; Por Cleveland Cavaliers
Carreira	dende 2012
Historial de equipos
	Dallas Mavericks (2012–2013); →Texas Legends (2012–2013); Atlanta Hawks (2013–2014); →Bakersfield Jam (2013–2014); Sacramento Kings (2014); Los Angeles Clippers (2014–2015); Delaware 87ers (2015); Idaho Stampede (2015); Cleveland Cavaliers (2015–2016); Idaho Stampede (2016); Milwaukee Bucks (2016); Jiangsu Monkey King (2016–2017); Bayern München (2017–2018); Brescia Leonessa (2018–2019); Santa Cruz Warriors (2019–2020); Shanghai Sharks (2020); Bnei Herzliya (2021)

Jared Armon Cunningham, nado o 22 de maio de 1991 en Oakland (California), é un xogador e baloncesto profesional estadounidense.

Traxectoria editar

Cunningham foi seleccionado na 24ª posición do Draft da NBA de 2012 polos Cleveland Cavaliers. Os seus dereitos foron traspasados pouco despois de ser elixido xunto a Jae Crowder e Bernard James ós Dallas Mavericks, a cambio de Tyler Zeller e Kelenna Azubuike. Asinou o seu contrato o 21 de xullo de 2012.^[1] O 11 de decembro de 2012, Cunningham foi enviado ó afiliado dos Mavericks na NBA D-League, os Texas Legends, tras facer 2.3 puntos en 3.4 minutos por partido.^[2] Foi chamado de volta o 31 de decembro de 2012.^[3]

O 27 de xuño de 2013, Cunningham foi traspasado ós Atlanta Hawks durante o Draft de 2013.^[4] O 22 de febreiro de 2014, foi cortado polos Hawks.^[5]

O 31 de marzo de 2014, asinou un contrato de dez días cos Sacramento Kings.^[6] O 10 de abril de 2014, asinou cos Kings para o resto da tempada.^[7]

O 29 de setembro de 2014, asinou cos Los Angeles Clippers.^[8] O 7 de xaneiro de 2015 foi traspasado xunto ós dereitos do Draft de Cenk Akyol ós Philadelphia 76ers, a cambio dos dereitos do Draft de Sergei Lishouk.^[9] Ese mesmo día, foi cortado polos Sixers.