Guillermo Rovirosa
Guillermo Rovirosa Albet, nado en Vilanova i la Geltrú (Barcelona) o 4 de agosto de 1897 e finado en Madrid o 27 de febreiro de 1964, foi un militante obreiro cristián español, o principal impulsor da Hermandad Obrera de Acción Católica.
| Biografía | |
|---|---|
| Nacemento | 1897  Vilanova i la Geltrú, España |
| Morte | 27 de febreiro de 1964 (66/67 anos) Madrid, España |
| Datos persoais | |
| País de nacionalidade | España |
| Actividade | |
| Ocupación | sindicalista |
| Lingua | Lingua castelá e lingua catalá |
Traxectoria editar
Foi o terceiro fillo dunha familia campesiña. Tras a morte do pai, cando tiña 9 anos de idade, ingresou no colexio próximo dos Escolapios. Foi un estudante destacado das escolas de directores de Industrias Eléctricas en Barcelona. Chegada a Guerra civil española os seus compañeiros nomeárono por unanimidade presidente do consello obreiro. En consecuencia, cara ao final da contenda o xeneral Francisco Franco condenouno a 12 anos de prisión.
Durante a guerra, el e a súa muller, Caterina, víronse obrigados a refuxiarse nun soto. Nel atoparon unha chea de libros esquecidos de fomento social, o que aproveitou para afondar no chamado «apostolado obreiro».
Perante a apostasía da clase obreira que Pío XI denunciara xa en 1930, encargóuselle a Rovirosa en maio de 1946 o lanzamento da Hermandad Obrera de Acción Católica. Esta constituiría unha ponte entre a Igrexa e a clase obreira, xa que os máis dos seus primeiros militantes eran conversos provenientes do anarcosindicalismo, o comunismo e o socialismo. Pío XII sinalou as Associazioni Cristiane Lavoratori Italiani como modelo.[1][2]
Dedicou a súa vida á HOAC, á que dotou do seu espírito militante. Porén, non ocupou ningún cargo orgánico e viviu do seu traballo como inventor. Percorreu España dando cursos e participando en xornadas, vivindo na pobreza.
Despois dun retiro voluntario no mosteiro de Montserrat, moitos dos seus amigos ficaron impregnados dese espírito militante e entregados a Cristo. Estes convidaron a Rovirosa a colaborar na posta en marcha da editorial ZYX, a primeira editorial de temas sociais durante o franquismo, da que será o seu presidente. O primeiro libro que editou, ¿De quién es la empresa?, é da súa autoría.
Finou en Madrid o 27 de febreiro de 1964. O 9 de maio de 2003 iniciouse a súa causa de beatificación.
Rovirosa tiña como único obxectivo a promoción de militantes cristiáns pobres. Varios dos seus amigos, impregnados da súa espiritualidade de encarnación e o seu estilo militante, puxeron en marcha o Movimiento Cultural Cristiano.
Bibliografía editar
- Alcaide Maestre, Alfonso (2005). "Guillermo Rovirosa. El santo de los obreros". XX Siglos (en castelán) 16 (55): 103–109. ISSN 1130-3948.
- Díaz Hernández, Carlos. El pensamiento personalista de Rovirosa (en castelán). Movimiento Cultural Cristiano.
- García, Xabier; Martín Martín, Jacinto; Malagón, Tomás (1985). Rovirosa, Apostol de la clase Obrera (en castelán). Madrid: HOAC. ISBN 84-85121-37-6.
- López García, Basilisa (1995). Aproximación a la historia de la HOAC. 1946-1981 (en castelán). Colección Huellas de nuestra Historia (1ª ed.). Madrid: HOAC. ISBN 9788485121632.
- Prieto, Enrique (1992). Rovirosa, investigador y militante (en castelán). Movimiento Cultural Cristiano.
- Rodríguez Martín, Eugenio Alberto (2005). Espiritualidad y ética del pensamiento social cristiano. Guillermo Rovirosa (1897-1964). Voz de los sin Voz (en castelán). Tese Doutoral. Madrid: Movimiento Cultural Cristiano. ISBN 9788493383312.
- Rodríguez Martín, Eugenio Alberto (2011). "La caridad de Guillermo Rovirosa". Corintios XIII: Revista de teología y pastoral de la caridad (en castelán) (139): 243–271. ISBN 9788484404774. ISSN 0210-1858.
- Ruiz Camps, Ángel. Obras Completas (en castelán). 6 volumes. HOAC. ISBN 9788485121571.
- Ruíz de Cascos, Carlos (2004). La Espiritualidad Trinitaria de Guillermo Rovirosa (en castelán). Tese doutoral. Movimiento Cultural Cristiano. ISBN 9788493383305.
- Rovirosa, Guillermo. "Autobiografía" (en castelán) (242).
- Rovirosa, Guillermo (1966). Comunistas y Cristianos (en castelán). ZYX. ASIN B00KWLZ3PY. Arquivado dende o orixinal (EPUB) o 24 de outubro de 2013. Consultado o 07 de setembro de 2022.
Notas editar
- ↑ Palacios, José Luis (10 de marzo de 2021). "La influencia de los trabajadores cristianos italianos en la creación de la HOAC". Noticias Obreras (en castelán). Consultado o 21 de febreiro de 2022.
- ↑ Basilisa López García (06 de abril de 2021). Relaciones Internacionales: las ACLI como modelo de referencia en la fundación de la HOAC (1946-1961) (en castelán). Universidad Pontificia de Salamanca - SUMMA. Repositorio Institucional. Consultado o 21 de febreiro de 2022.
Ligazóns externas editar
- Páxina web dedicada a Rovirosa (en castelán).
- HOAC (en castelán).
- Movimiento Cultural Cristiano (en castelán).
- Vídeos sobre a vida de Guillermo Rovirosa (en castelán).
- Aula Malagón-Rovirosa, organizada polo MCC Arquivado 24 de setembro de 2015 en Wayback Machine. (en castelán).