Ghena Dimitrova

Ghena Anastasija Macheva Dimitrova, coñecida artisticamente como Ghena Dimitrova (en búlgaro: Гена Димитрова), nada en Beglež o 6 de maio de 1941 e finada en Milán o 11 de xuño de 2005, foi unha soprano operística búlgara.

Ghena Dimitrova

Nome orixinal	(bg) Гена Мачева Димитрова
Biografía
Nacemento	6 de maio de 1941 Beglež, Bulgaria
Morte	11 de xuño de 2005 (64 anos) Milán, Italia
Causa da morte	Morte natural  (Cancro )
Lugar de sepultura	Cemitério Central de Sófia (pt)
Datos persoais
País de nacionalidade	Bulgaria
Educación	National Academy of Music (en)
Actividade
Ocupación	cantante de ópera
Período de actividade	1965 -
Xénero artístico	Ópera
Profesores	Christo Brambarov (en)
Alumnos	Elena Baramova (en)
Lingua	Lingua búlgara
Tesitura	Soprano
Instrumento	Voz
Premios  Orde de Stara Planina
Páxina web	ghenadimitrova.com
Lista cancro

Traxectoria

Despois de rematar os estudos no Conservatorio de Sofía, comezou a ensinar Canto. O seu debut chegaría o 27 de decembro de 1967, como Abigaille, no Nabucco, de Verdi, nunha produción da Ópera Nacional de Bulgaria, a raíz de que outras dúas sopranos se tivesen retirado. Nas primeiras gravacións, a voz de Dimitrova aínda non tiña acadado a súa distintiva grandeza, e en moitas das primeiras producións de Nabucco o derradeiro dó sobreagudo opcional é omitido na parte da cabaletta (Salgo già del trono aurato), nota musical que si incluiría en épocas posteriores da súa carreira, de tal xeito que se chegaría a converter nun referente para futuras intérpretes desa aria.

A súa voz de inmenso caudal fíxoa favorita de audiencias internacionais nos roles de Abigaille e Turandot (en Turandot, de Puccini), causando sensación con este rol en Treviso, en 1975.

Outros papeis importantes foron Floria Tosca, en Tosca, de Puccini; Odabella (en Attila), Giselda (en I Lombardi alla prima crociata), Alzira (en Alzira), Elisabeth de Valois (en Don Carlos), Leonora (en Oberto, Conte di San Bonifacio), Lady Macbeth (en Macbeth), Elvira (en Ernani), Aida, e tamén Amneris (en Aida), de Verdi; Maddalena, en Andrea Chénier, de Giordano; Santuzza, en Cavalleria rusticana, de Mascagni; e a Gioconda, en La Gioconda de Ponchielli.

Cantou principalmente en Italia destacándose na Scala de Milán, Xénova e na Arena de Verona onde foi favorita do público; tamén no Teatro Colón de Buenos Aires durante cinco anos consecutivos (1975-1979) con tardíos debuts en Viena (1978), Salzburgo (1984), Londres (1983) e Nova York(1987).

Considerada un heroína nacional no seu país, morreu en Milán aos 64 anos onde no seu momento se tiña perfeccionado con Gina Cigna.

Discografía de referencia

• Puccini, Turandot. Arena de Verona, 1983 Dir.: Franco Zefferelli (DVD)
• Puccini, Turandot. Teatro da Ópera de Xénova, 1980 Dir.: Daniel Oren
• Verdi, Aida (Amneris). Teatro alla Scala, de Milán, 1985 Dir.: Lorin Maazel (DVD)
• Verdi, I Lombardi alla prima crociata. Teatro alla Scala, de Milán, 1984 Dir.: Gianandrea Gavazzeni (DVD)
• Verdi, Oberto, conde de San Bonifacio. Estudio 1 da Radio de Baviera (Múnic), 1983 Dir.: Lamberto Gardelli
• Verdi, Nabucco. Arena de Verona, 1981 Dir.: Maurizio Arena (DVD)
• Verdi, Nabucco. Teatro alla Scala, de Milán, 1985 Dir.: Riccardo Muti (DVD)
• Verdi, Nabucco, Ópera Alemá de Berlín, 1983 Dir.: Giusseppe Sinopoli
• Puccini e Verdi Opera Arias. Orquestra Philharmonia de Londres/Orquestra da Radio de Mónaco, 1984 Dir.: Anton Guadagno, Lamberto Gardelli

Véxase tamén

Ligazóns externas

• Sitio oficial
• Dimitrova en Turandot, na Arena de Verona, 1983
• Dimitrova en Nabucco, no Teatro alla Scala de Milán, 1986
• Obituario no New York Times
• Obituario en The Guardian
• Obituario en The Independent UK
• Pequeno documental Ghena Dimitrova
• Dimitrova en Nabucco, na Arena de Verona, 1981