Gert Fröbe
Karl Gerhart "Gert" Fröbe, nado en Oberplanitz o 25 de febreiro de 1913 e finado en Múnic o 5 de setembro de 1988, foi un actor alemán.
.jpg)  | |
| Biografía | |
|---|---|
| Nacemento | (de) Karl Gerhart Fröbe 25 de febreiro de 1913 Oberplanitz, Alemaña (en)  |
| Morte | 5 de setembro de 1988 (75 anos) Múnic, Alemaña |
| Causa da morte | Morte natural (Infarto agudo de miocardio ) |
| Lugar de sepultura | Q74589264 |
| Datos persoais | |
| País de nacionalidade | Alemaña |
| Actividade | |
| Ocupación | actor , actor de teatro , actor de cinema , actor de dobraxe |
| Período de actividade | 1948 - |
| Partido político | Partido Nacionalsocialista Alemán dos Traballadores |
| Profesores | Erich Ponto (pt) |
| Lingua | Lingua alemá e lingua francesa |
| Instrumento | Violín |
| Familia | |
| Cónxuxe | Tatjana Iwanow |
| Fillos | Andreas Seyferth (pt) |
| Pais | Otto Johannes Fröbe (pt) e Helene Alma Fröbe (pt) |
Premios
| |
         | |
Traxectoria editar
Fröbe naceu en Oberplanitz, hoxe parte de Zwickau. Inicialmente foi violinista, mais abandonouno polo Kabarett e o teatro.[1]
En 1929 uniuse ao Partido Nazi con dezaseis anos e deixouno en 1937.[2] En setembro de 1944 os nazis pecharon os teatros de Alemaña e foi alistado no exército, onde Fröbe serviu ata a fin da segunda guerra mundial.[1] Cando se coñeceu a súa pertenza ao partido trala guerra, Israel prohibiu os filmes de Fröbe ata que un supervivente xudeu revelou oito semanas despois que a súa vida e a da súa nai probablemente fosen salvadas cando Fröbe os agochou dos nazis.[3]
Fröbe gañou sona cun dos primeiros filmes alemáns realizados trala segunda guerra mundial, Berliner Ballade (1948). O nome da súa personaxe, "Otto Normalverbraucher" (literalmente, Otto Consumidor Medio), converteuse no epítome alemán do cidadán medio.[4]
Interpretou o malvado no filme suízo-alemán Es geschah am hellichten Tag (1958), con guión orixinal de Friedrich Dürrenmatt. O seu papel como asasino en serie de nenos recibiu a atención dos produtores do filme de James Bond Goldfinger (1964) e escollérono para interpretar un dos malvados máis lembrados da serie, o magnate do ouro Auric Goldfinger. Posteriormente indicou: "O ridículo é que dende que interpretei a Goldfinger no filme de James Bond hai algunha xente que aínda insiste en verme como un malvado frío e implacable, un home que non ri".[5]
Fröbe fixo varias aparicións en elencos de estrelas na década de 1960, como nos filmes The Longest Day (1962), Those Magnificent Men in their Flying Machines (1965), Arde París? (1966),Triple Cross (1966) e Monte Carlo or Bust (1969).
FAleceu en Múnic en setembro de 1988 aos 75 anos por un ataque cardíaco.[3] Foi enterrado no cemiterio Waldfriedhof de Icking.
Filmografía editar
Notas editar
- ↑ 1,0 1,1 Fokart, Burt A. (7 de setembro de 1988). "Gert Frobe, 75; Portrayed Goldfinger in Bond Movie". Los Angeles Times.
- ↑ "Hotzenplotz und Pickelhaube". kultiversum.de (en alemán). 2 de febreiro de 2010. Arquivado dende o orixinal o 14 de marzo de 2011. Consultado o 02 de agosto de 2021.
- ↑ 3,0 3,1 "Gert Frobe, an Actor, Dies at 75". The New York Times. Associated Press. 6 de setembro de 1988. Consultado o 2020-07-18.
- ↑ [Gert Fröbe en Google Books. Deutsches Bühnen-Jahrbuch]
|url=incorrecto (Axuda). Consultado o 25 de agosto de 2011. - ↑ Battersby, Matilda (2 de xaneiro de 2013). "'No, Mr Bond, I Expect You to Die': Showdown Between Goldfinger and Sean Connery Voted Greatest James Bond Moment". The Independent. Consultado o 14 de xullo de 2019.
- ↑ Tamén coñecido como Those Daring Young Men in Their Jaunty Jalopies.