Francisco Suárez Salgado

Francisco Suárez Salgado, nado en Beba (Mazaricos) o 13 de febreiro de 1862 e finado nos Ánxeles (Brión) o 20 de agosto de 1910, foi un sacerdote e xornalista galego.

Francisco Suárez Salgado

Biografía
Nacemento	13 de febreiro de 1862 Beba, España
Morte	20 de agosto de 1910 (48 anos) Os Ánxeles, España
Datos persoais
País de nacionalidade	España
Relixión	Igrexa católica
Actividade
Ocupación	xornalista , sacerdote católico
Lingua	Lingua castelá

Traxectoria

"El alma de Galicia encarnada en Rosalía de Castro" en Á Rosalía Castro, en el duodécimo aniversario de su muerte, los gallegos residentes en la República Argentina. PDF.

Cursou estudos de humanidades, Filosofía e Teoloxía no Seminario de Santiago. Dedicouse ao xornalismo, comezando en La Cruz, de Santiago, con composicións satíricas moi celebradas; fundou no Carril El Varapalo de Picaños; colaborou en El Libredón, Gaceta de Galicia, El Ciclón e El Pensamiento Galaico de Santiago, La Voz de Galicia da Coruña, El Siglo Futuro, El Noticiero e El Imparcial de Madrid. En Compostela fundou o semanario político-literario La Verdad.

En 1885 emigrou a Buenos Aires, onde seguiu exercendo a carreira sacerdotal como párroco de Quilmes (1887-1893) e colaborando na prensa da capital arxentina. Volveu a Galicia en 1890. En 1898 regresou definitivamente a Galicia, como representante en Europa do periódico El Eco de Galicia e en 1902 fundou en Santiago de Compostela a revista La Acción Católica, que tamén dirixiu, e cursou a carreira de dereito.

Destacou como orador, sendo o primeiro sacerdote que utilizou o galego nos seus discursos patrióticos. Das súas conferencias e discursos destaca o titulado "A alma galega encarnada en Rosalía de Castro".

Véxase tamén

Bibliografía

• Centro Ramón Piñeiro, ed. (2003). Narradores ocasionais do século XIX (Relato breve) (PDF). Santiago de Compostela. pp. 453–454. ISBN 84-453-3736-X. Consultado o 6 de novembro de 2013. 

Ligazóns externas

• Biografía