Francisco Bastarreche
Francisco Bastarreche Díaz de Bulnes, nado en Cádiz o 11 de agosto de 1882 e finado en Madrid o 12 de maio de 1962,[1] foi un militar e político español.
Traxectoria editar
Fillo do vicealmirante Félix Bastarreche Herrera. Ingresou na Escola Naval flotante en 1898, e participou como oficial nas campañas de Melilla e nas operacións de Mar Chica. Como capitán de corveta mandou o torpedeiro número 2, e despois nomeárono xefe do Polígono de Tiro de Ferrol. En 1931 era comandante do cruceiro Almirante Cervera e en 1935, sendo capitán de navío, e nomeárono director da Escola Naval Militar de Marín.
Cando se produciu o golpe de Estado do 18 de xullo de 1936 adheriuse ao golpe e declarou o estado de guerra en Marín e coa colaboración da aviación foi un dos artífices da declaración do estado de guerra en Pontevedra. Foi nomeado comandante naval de Palma de Mallorca. Despois mandou o cruceiro Canarias e designárono comandante xeral do Departamento Marítimo de Cádiz. Ao rematar a guerra pasou ao Ministerio de Mariña, e despois volveu á Escuadra, ascendérono a almirante e nomeárono capitán xeneral do Departamento de Cartaxena. Foi conselleiro nacional de FET y de las JONS e procurador en Cortes, como capitán xeneral do Departamento de Cartaxena. Figurou como membro do Consello do Reino dende a súa creación. Colaborou no libro La guerra de Liberación Nacional, publicado pola Universidade de Zaragoza en 1961.
Homenaxes editar
- Foi nomeado fillo adoptivo de Alhama de Murcia, colocaron un busto na súa honra e unha avenida da localidade levaba o seu nome. Estas distincións foron retiradas en 2017, en aplicación da lei de memoria histórica.
Vida persoal editar
Casou con Concepción Moreno Fernández e foi pai de Concepción, Blanca e María Asunción Bastarreche Moreno. Foi avó de José Yusty Bastarreche.
Notas editar
- ↑ Necrolóxica en ABC
- ↑ "Propoñen chamar Barriada do Con á actual de Salvador Moreno", La Voz de Galicia, 27-12-2006.
- ↑ Gago, M. "La falta de consenso impide renovar el callejero de Marín por segunda vez", La Voz de Galicia, 2-4-2008.
- ↑ "La coalición marinense añade Jaime Janer a la lista de cambios en el callejero alegando duplicidad de nombre", La Voz de Galicia, 13-1-2010.
Véxase tamén editar
Bibliografía editar
- Francisco Bastarreche y Díez de Bulnes. Biografía na Real Academia de la Historia.
- Bastarreche y Díez de Bulnes, Francisco. Biografía en Historia naval de España.