Escola Naval Militar de Marín

academia militar da armada española

A Escola Naval Militar é o centro de instrución para a futura oficialidade da Armada Española e atópase no concello pontevedrés de Marín, no seu núcleo urbano. Está adscrita á Universidade de Vigo.

Escola Naval Militar de Marín
Tipoacademia militar e Officer Candidate School
Data de fundación1717
Organización subsidiariacampus de Pontevedra
PremiosNecktie of the Civil Order of Alfonso X the Wise
EnMarín
PaísGalicia
42°23′41″N 8°42′19″O / 42.3946, -8.70535
Na rede
http://www.armada.mde.es/esp/EmpleoFormacion/Oficiales/OficialesBAIngresarVida.asp?SecAct=06419
Dialnet: 3809972
editar datos en Wikidata ]
Entrada á Escola Naval Militar.
Vista en segundo plano da Escola Naval Militar.

Historia editar

Foi trasladada a Marín en xullo de 1943 dende San Fernando, e integrouse nas instalacións da Armada que xa existían no lugar, a canda o polígono de tiro naval e a Escola de Artillaría e Tiro Naval. A inauguración oficial tivo lugar o 15 de agosto (véspera do día do Carme) de 1943 coa presenza do Xefe do Estado[1].

O seu director en 2011 é Marcial Gamboa Pérez-Pardo.

Características editar

O seu recinto ten unha superficie 241.000 m², sen contar a illa de Tambo que pertence a ela. O río Lameira circula soterrado por parte do recinto e desemboca no peirao da escola. O seu actual comandante director é José Luis Urcelay. As instalacións da Escola emprégaas non só a Armada Española, senón tamén patrulleiras tanto do servizo marítimo da Garda Civil, como do Servizo de Vixilancia Aduaneira e remolcadores de Salvamento Marítimo.

O himno da Escola coincide co himno da Armada Española.

A carreira militar editar

A carreira militar é cursada de maneira bastante similar ás licenciaturas e diplomaturas universitarias. En cinco cursos para a Escala Superior de Oficiais e tres para a Escala de Oficiais. Cursando nela aspirantes de todas as armas da Armada (Infantaría de Mariña, Enxeñeiros, Intendencia...) O alumno ou alumna é aspirante durante os dous primeiros anos, Gardamariña durante o terceiro e o cuarto e Alférez de Fragata Alumno ou Alférez Alumno (se é Infante) durante o quinto.

Na Escola impera un ambiente de disciplina típica militar con prácticas constantes no mar e no campo, dependendo da especialidade.

Datas importantes editar

Un dos días máis importantes na Escola Naval é o 16 de xullo, día da patroa da Armada e das xentes do mar, a Virxe do Carme, e tamén festa local en Marín. Ese día celébrase a entrega de reais despachos ós alumnos que finalizan os estudos, e as novas promocións xuran bandeira. Adoitan asistir ao acto os reis de España ou os príncipes, así como altos representantes do goberno estatal, autonómico e local. Con motivo destes actos o buque escola Juan Sebastián Elcano atraca no peirao da Escola Naval e navíos de guerra fondean na ría. Á noite realízase un baile de gala en honor dos alumnos.

Outra data importante é a celebración do baile do "ciento": con motivo da seu pronto embarque no buque escola Juan Sebastián Elcano os gardamariñas de segundo organizan un baile no casino de alumnos, ó que asisten tanto civís como militares de tódalas armas e varias nacións.

Buques editar

 

Os buques que teñen como base a Escola Naval son[2]:

  • Veleiros escola:
    • Arosa
    • Giralda
    • Sálvora
  • Lanchas de instrución:
    • Salas
    • Godínez
    • Rull
    • Lamadrid
    • Barrutia
    • Chereguini
  • Patrulleiros
    • Tabarca
    • Colimbo III (Servizo de Vixilancia Alfandegueira)

Repercusión editar

A Escola Naval e os aspirantes a oficias foron protagonistas de varias películas, entre elas:

Galería de imaxes editar

Notas editar

  1. "La Escuela Naval Militar de Marín". ABC. 17 de agosto de 1943. 
  2. "Lista oficial de buques da Armada". Arquivado dende o orixinal o 11 de marzo de 2009. Consultado o 06 de xaneiro de 2009.