Frederico III de Sicilia

Frederico III de Sicilia, nado o 1 de setembro de 1341 e finado o 27 de xaneiro de 1377, alcumado como o Sixelo ou o Simple, foi Rei de Sicilia desde 1355 até 1377 (desde 1372, rei de Tricarnia), e duque de Atenas e de Neopatria desde 1355 até a súa morte.

Frederico III de Sicilia

Nome orixinal	(it) Federico III di Sicilia
Biografía
Nacemento	4 de decembro de 1342 Catania
Morte	27 de xullo de 1377 (34 anos) Messina
Lugar de sepultura	Catania Cathedral (en)
12º Duque de Atenas
1355 – 1377 ← Frederico I de Atenas (pt) – María de Sicilia →
4º Duque de Neopatria
1355 – 1377 ← Frederico I de Atenas (pt) – María de Sicilia →
Rei de Sicilia
Datos persoais
País de nacionalidade	Reino de Sicilia
Relixión	Catolicismo
Actividade
Ocupación	realeza , monarca , político , gobernante
Familia
Familia	Casa de Aragón e Casa de Barcelona
Cónxuxe	Antônia do Balzo (1372–) Constanza de Aragón e Navarra (1361–1363), morte do cónxuxe
Fillos	María de Sicilia  () Constanza de Aragón e Navarra Guilherme de Aragão (pt) , fillo ilexítimo  () valor descoñecido Eleonora d'Aragona (en) , fillo ilexítimo  () Juana d'Aragona (en)
Pais	Pedro II da Sicília (pt)   e Isabel da Caríntia (pt)
Irmáns	Luís da Sicília (pt) , Leonor de Trinacria, Branca da Sicília (pt) , Constança da Sicília (pt) , Eufêmia da Sicília (pt) e Beatriz da Sicília (pt)

Adoita confundirse co seu antepasado Frederico II, que escolleu chamarse Frederico III por ser o terceiro fillo de Pedro III de Aragón.

Traxectoria

Era o segundo fillo de Pedro II de Sicilia e Isabel de Carintia. Sucedeu ao seu irmán Lois no trono do reino aos 14 anos, baixo a rexencia da súa irmá Eufemia, que se mantivo até 1357, nun contexto de loitas polo poder no que a Aragón e Nápoles disputábanse o reino e alentaban as loitas internas entre os Alagón e os Claramonte.

Os inicios do seu reinado de están chenos de guerras repetitivas contra os napolitanos. En 1356, Xoana I de Nápoles fíxose co control de Mesina e de Palermo, entre outras prazas, o que levou a Frederico III a aliarse con Aragón mediante a súa voda coa filla de Pedro o Cerimonioso, que tiña claras ambicións sobre o reino en virtude do seu casamento con Leonor de Sicilia e que accedeu a prestarlle axuda militar, coa cal puido facer fronte ás disensións internas e conter o avance napolitano.

En 1372 chegouse a un acordo de paz con Nápoles e a Santa Sé. Frederico III recoñeceuse feudatario e triburario de Nápoles, e deu a Xoana o título de raíña de Sicilia, aínda que el gobernaría o territorio como rei de Tricarnia, un acordo que o papa Gregorio IX sancionou.

Foi un rei trobador, do que se conserva unicamente un sirventés.

Matrimonio de descendencia

Frederico III casou con Constanza de Aragón, filla de Pedro IV de Aragón, o Cerimonioso. Do seu matrimonio naceu unha única filla, María, que casaría co herdeiro ao trono aragonés, Martiño o Mozo. Tras enviuvar, casou en segundas nupcias con Antonia del Balzo, pero non tivo descendencia e aos dous anos a súa esposa faleceu.

Atribúenselle dous fillos ilexítimos, dunha amante descoñecida.

• Guillerme, que ostentaría o Condado de Malta entre 1375 e 1377.
• Xoana.

Predecesor: Lois de Sicilia	Rei de Sicilia 1355-1377	Sucesor: María de Sicilia
Predecesor: Frederico I de Atenas	Duque de Atenas 1355-1377	Sucesor: María de Sicilia

Véxase tamén

Bibliografía

• Caggese, Romolo (1999): "Italia, 1313-1414", en Storia del mondo medievale', Vol. VI, pp. 297–331.

Outros artigos

• María de Sicilia
• Martiño o Mozo
• Lista de soberanos de Sicilia e Nápoles

Ligazóns externas

• Frederic III de Sicília no Gran enciclopèdia catalana (en catalán).