Divisións administrativas da Alemaña nazi
Tras a supresión dos Länder (estados individuais) da República de Weimar en 1934, as Gaue (singular Gau) eran as subdivisións administrativas de facto da Alemaña nazi.
Historia editar
As Gaue nazis formáronse en 1926 como distritos do Partido Nazi dos respectivos estados alemáns e provincias prusianas tal como se formaran tras a primeira guerra mundial.[1]
Cada Gau tíña un responsáble administrativo, o Gauleiter (xefe da Gau). Aínda que os Länder e as provincias prusianas continuaron existindo tras a Lei habilitante de 1933, a súa administración reduciuse a un órgano rudimentario unido ás respectivas administracións da Gau no proceso da Gleichschaltung. En total, Alemaña estaba constituída por 32 Gaue en 1934, que eran 42 cando desapareceu a Alemaña nazi en 1945.[2]
As rexións ocupadas en 1938 (Anschluss [anexión] de Austria e a Rexión dos Sudetes de Checoslovaquia polo Acordo de Múnic), e en 1939 (rexión de Klaipeda e o Territorio de Memel de Lituania), así como as zonas conquistadas durante a segunda guerra mundial, foron incorporadas ás Gaue existentes ou foron organizadas en Reichsgaue, similares en todo ás Gaue excepto no nome. Nos Reichsgaue, o Gauleiter tamén ostentaba a posición de Reichsstatthalter,[1] o que formalmente combinaba as esferas do partido e do goberno estatal.
Finalmente, como resultado da derrota na guerra, na Conferencia de Ialta Alemaña perdería non só os territorios recentemente anexionados, senón algúns dos territorios que ocupaba antes de que o goberno nazi asumira o poder, ademais de pasar a maior parte da seguinte metade do século XX dividida en dous Estados separados.
Notas editar
- ↑ 1,0 1,1 Die NS-Gaue, Deutsches Historisches Museum. Consultado e 25 de xaneiro de 2021.
- ↑ The Organization of the Nazi Party & State Arquivado 09 de novembro de 2016 en Wayback Machine. The Nizkor Project. Consultado o 25 de xaneiro de 2021.
Véxase tamén editar
Bibliografía editar
- Der große Atlas der Weltgeschichte. Múnic: Orbis Verlag, 1990. ISBN 978-1-4054-5533-6.
Outros artigos editar
|
Este artigo é, polo de agora, só un bosquexo. Traballa nel para axudar a contribuír a que a Galipedia mellore e medre.
|