Constantino Sánchez Mosquera
Constantino Sánchez Mosquera, nado en Herves (Beira, Carral) o 13 de setembro de 1882 e finado en Montevideo o 7 de xaneiro de 1960, foi un médico, xornalista e escritor galego.
  | |
| Biografía | |
|---|---|
| Nacemento | 13 de setembro de 1882 Herves, España |
| Morte | 7 de xaneiro de 1960 (77 anos) Montevideo, Uruguai |
| Datos persoais | |
| País de nacionalidade | España |
| Actividade | |
| Ocupación | xornalista , médico , escritor |
| Lingua | Lingua castelá |
| Familia | |
| Irmáns | Luís Sánchez Mosquera |
Traxectoria editar
Fillo de Pedro Sánchez Hermida e Manuela Mosquera Otero. Estudou Medicina na Universidade de Santiago de Compostela e doutorouse na Universidade de Madrid. Exerceu en clínicas madrileñas e foi profesor no dispensario de María Cristina. En xaneiro de 1913 embarcou para Montevideo para traballar no Hospital Español da capital urugaia.[1]. Ampliou estudos en París e en 1928 comezou a exercer a medicina na Asociación Española do Uruguai. Inspirou o Congreso Gallego-Americano (1920) e a constitución do Comité Pro Ejército Español despois da Desfeita de Annual (1921). En 1923 percorreu Francia, Alemaña, Italia e Suíza, ademais de toda España e especialmente Galicia. Pertenceu ao Ateneo da República Oriental, presidiu o Centro Gallego de Montevideo entre 1925 e 1930 e dirixiu o periódico Raza Celta. En 1935 regresou a Galicia e propuxo a creación dun Partido Liberal Gallego, pero regresou de novo ao Uruguai. Foi correspondente da Real Academia Galega. Recibiu o título de comendador da Orde de Isabel la Católica.
Obras editar
- Las hemorragias ocultas en las enfermedades del aparato digestivo, 1909.
- El concepto moderno de la úlcera del duodeno, 1910.
- Etiología y patogenia de la úlcera gástrica, 1911.
- Páginas de vulgarización, 1926.
- La Universidad de Compostela y otros problemas gallegos, 1931.
- Galicia y su Santo patrono el Apóstol Santiago, 1946.
Vida persoal editar
Casou en Paysandú con María Dolores Fontans Sousa en 1918,[2] e foi pai de Jose Pedro Sanchez Fontans. Era irmán de Luís Sánchez Mosquera.
Notas editar
Véxase tamén editar
Bibliografía editar
- Naya Pérez, Juan (1961). "Don Constantino Sánchez Mosquera". Boletín da RAG 29 (339-344): 305. Archived from the original on 10 de xullo de 2019. Consultado o 10 de xullo de 2019.
- Bresciano, Juan A., El Centro Gallego de Montevideo bajo la presidencia de Constantino Sánchez Mosquera, 1999.
Ligazóns externas editar
- Unha conferencia de propaganda galeguista (1931) Arquivado 09 de marzo de 2016 en Wayback Machine.