Chicago Tribune
O Chicago Tribune é un dos principais xornais da cidade de Chicago, Illinois, (Estados Unidos), propiedade da Tribune Company. Anteriormente coñecido como o World's Greatest Newspaper (coñecido como WGN en radio e televisión), segue sendo o principal diario de Chicago e a súa zona metropolitana, sendo o oitavo periódico máis importante de Norteamérica en vendas.[1]
| Chicago Tribune | |
|---|---|
 | |
  | |
| Tipo | Xornal diario |
| Formato de páxina | Broadsheet |
| Fundación | 10 de xuño de 1847 |
| Propietario | Tribune Publishing |
| Fundador | James Kelly, John E. Wheeler e Joseph K. C. Forrest |
| Lingua | Inglés |
| Localidade | Chicago |
| Tiraxe | 448.930 (luns a venres) 331.190 (sábados) 853,324 (domingos) |
| ISSN | 2165-171X |
| Número OCLC | 60639020 |
| Na rede | |
| https://www.chicagotribune.com/, http://library.pressdisplay.com/pressdisplay/viewer.aspx?newspaper=chicago+tribune&cid=1055, http://www.chicagotribune.com/, http://digitalmicrofilm1.proquest.com e http://infoweb.newsbank.com/?db=CTRB | |
    | |
| [ editar datos en Wikidata ] | |
O 2 de abril de 2007, o Tribune anunciou un plan de venda de accións por valor de 8,2 miles de millóns USD, cun prezo de saída de 34$ por acción, e un plan de propiedade de accións para os empregados. O novo presidente do diario é o magnate Sam Zell. Asemade, como parte do acordo, os Chicago Cubs e o seu estadio, o Wrigley Field, foron vendidos, así como a cota do Tribune do grupo de canles de televisión Comcast SportsNet.[2]
Historia editar
O Tribune foi fundado por James Kelly, John E. Wheeler e Joseph KC Forrest, aparecendo o seu primeiro número o 10 de xuño de 1847. Logo dun cambio de editores, absorbeu outras tres publicacións da cidade: o Free West en 1855, o Democratic Press en 1858, e o Chicago Democrat en 1861. O seu principal rival na cidade era o Chicago Daily News, fundado en 1875.
En 1910, cunha tirada de 188.000 exemplares, era o terceiro diario máis vendido en Chicago.
Algunhas das grandes primicias do Tribune foron a publicación do texto orixinal do Tratado de Versalles, en xuño de 1919, e a súa revelación dos plans de guerra dos Estados Unidos en vésperas do ataque xaponés a Pearl Harbor. Na súa portada do 7 de xuño de 1942 anunciou que os Estados Unidos descifrara o código militar PURPLE do Xapón.
Debido ao Regulamento Xeral de Protección de Datos, a páxina web do Chicago Tribune non é accesible dende os países da Unión Europea dende 2018.[3]
Notas editar
- ↑ "Top 100 diarios de los EE.UU." (PDF). Arquivado dende o orixinal (PDF) o 16 de setembro de 2012. Consultado o 28 de xuño de 2018.
- ↑ "Chicago Tribune. Noticia de la compra por Sam Zell". Arquivado dende o orixinal o 02 de maio de 2009. Consultado o 02 de maio de 2009.
- ↑ Newcomb, Alyssa (25 de maio de 2018). "Chicago Tribune, Los Angeles Times block European users due to GDPR". NBC News (en inglés).
Véxase tamén editar
- Páxina web oficial do xornal (Non accesible dende a maioría dos países europeos)