Campo, Covelo
Santa María de Campo é unha parroquia que se localiza no norte do concello de Covelo na comarca da Paradanta. Segundo o padrón municipal de 2004 tiña 116 habitantes (69 mulleres e 47 homes), distribuídos en 5 entidades de poboación, o que supón unha diminución en relación ao ano 1999 cando tiña 147 habitantes. Segundo o IGE, no 2014 a súa poboación descendera ata os 83 habitantes, sendo 35 homes e 48 mulleres.
| Campo | |
|---|---|
 Igrexa de Campo | |
| Concello | Covelo[1] |
| Provincia | Pontevedra |
| Coordenadas | 42°11′48″N 8°23′13″O / 42.19664567, -8.38698511Coordenadas: 42°11′48″N 8°23′13″O / 42.19664567, -8.38698511 |
| Poboación | 83 hab. (2014) |
| Entidades de poboación | 9[1] |
| [ editar datos en Wikidata ] | |
Información editar
O río Tea transcorre pola parroquia e esta dispón dunha gran tradición gandeira. Campo está situada na aba sur da Serra do Suído e posúe un monte cinexético. Nos puntos con cotas máis baixas áchanse bosque frondosos autóctonos.[2]
Patrimonio editar
Conta cun foxo de lobo que presenta a particularidade de contar con dous funís de entrada, o que a tradición oral interpreta como as entradas correspondentes a cadansúa parroquia. Consta dun cercado de pedra que se vai pechando en forma de funil para rematar no propio foxo. Ten unha profundidade de dous metros e acubilla no seu interior un chouso para durmiren os pastores. Foi obxecto dunha restauración en 2013.[3]
Lugares e parroquias editar
Lugares de Campo editar
| Lugares da parroquia de Campo no concello de Covelo (Pontevedra) | |
|---|---|
|
Barcia | A Bouciña | Bustelo | Cascardoso | A Costa | A Ladeira | O Loureiro | O Outeiro | San Pedro |
Parroquias de Covelo editar
Notas editar
- ↑ 1,0 1,1 Decreto 219/1998, do 2 de xullo, polo que se aproba o nomenclátor correspondente ás entidades de poboación da provincia de Pontevedra.
- ↑ Concello de Covelo. "Campo". Consultado o 04/09/2015.
- ↑ Foxo do lobo de Campo na páxina web colaborativa Patrimonio Galego.