Beniparrell
Beniparrell é un municipio pertencente á provincia de Valencia e á comarca da Horta Sud, na Comunidade Valenciana.
Localización | |||||
---|---|---|---|---|---|
| |||||
Estado | España | ||||
Comunidade autónoma | Comunidade Valenciana | ||||
Provincia | provincia de Valencia | ||||
Comarcas da Comunidade Valenciana | Horta Sud | ||||
Capital | Beniparrell (en) | ||||
Poboación | |||||
Poboación | 2.074 (2023) (518,5 hab./km²) | ||||
Lingua oficial | lingua catalá (lingua predominante) | ||||
Xeografía | |||||
Superficie | 4 km² | ||||
Altitude | 20 m | ||||
Comparte fronteira con | |||||
Organización política | |||||
• Alcalde | Salvador Masaroca Delhom | ||||
Identificador descritivo | |||||
Código postal | 46469 | ||||
Fuso horario | |||||
Código INE | 46065 | ||||
ARGOS ID (en) | 46065 | ||||
Páxina web | beniparrell.es | ||||
Xeografía editar
Situado na zona de transición da Horta de Valencia á Ribeira do río Júcar. A superficie do termo é chaira. Drena o termo o barranco de Picassent. O clima é mediterráneo, producíndose as choivas no outono e primavera. O termo municipal de Beniparrell limita coas localidades de Albal, Alcàsser e Silla todas elas da Horta Sud.
Historia editar
Nas súas orixes Beniparrell era unha alquería musulmá, pero unha vez conquistado o Reino de Valencia, pasou a mans de Arnau de Romaní en agradecemento polos servizos prestados. Arnau sería señor da vila até o 1297 cando se vendeu ao convento de Portaceli, por unhas 44.000 libras. Máis tarde, en 1314 foi comprado por un cidadán de Valencia. Despois dalgúns cambios de propietario máis, finalmente volveu á liñaxe dos Romaní.
Nos últimos anos do século XIV, converteuse nunha propiedade da familia Escrivà os cales se converteron en baróns de Beniparrell. En 1600 vendéronse uns terreos aos monxes carmelitas para que construísen un convento. E foi ao redor deste onde comezou a establecerse a poboación. Durante as desamortizacións do século XIX o convento pasou a mans privadas, de novo ao barón.
Ao redor de 1850, Beniparrell constituíu o seu propio concello aínda que despois pasaría a formar parte de Albal durante un tempo, ata que de novo estableceuse como unha cidade independente. A partir deste momento a historia da vila foi ligada á do país.
Demografía editar
En 2008 tiña 1955 habitantes.
1900 | 1910 | 1920 | 1930 | 1940 | 1950 | 1960 | 1970 | 1981 | 1991 | 2000 | 2005 | 2006 | 2007 |
---|---|---|---|---|---|---|---|---|---|---|---|---|---|
503 | 581 | 683 | 748 | 819 | 901 | 1.016 | 1.044 | 1.321 | 1.366 | 1.611 | 1.808 | 1.810 | 1.896 |
Economía editar
Tódolos cultivos son de regadío, sendo a laranxeira a principal produción. Cultívase tamén patacas, cacahuete, fabas, hortalizas, cereais e froiteiras. Régase con augas do Xúcar a través do Caldeirón Real e tamén con augas do subsolo. Hai varias granxas avícolas. A industria atópase vinculada á da capital da provincia (mobles, xoguetes, papel etc). Tamén hai almacéns para a manipulación da laranxa.
Monumentos editar
- Igrexa Parroquial de Santa Bárbara, con pinturas do século XVIII.
Festas locais editar
- Festas Maiores. Celebran as súas festas á Virxe do Carme o 15 e 16 de xullo.
- Santa Bárbara. Celébranse do 3 ao 4 de decembro.
Véxase tamén editar
Ligazóns externas editar
Commons ten máis contidos multimedia sobre: Beniparrell |