Albal

Albal é un concello do País Valenciano que se atopa na bisbarra da Horta Sud.

Albal

Brasón
Localización
39°23′44″N 0°24′54″O
Estado	España
Comunidade autónoma	Comunidade Valenciana
Provincia	provincia de Valencia
Comarcas da Comunidade Valenciana	Horta Sud
Capital	Albal
Poboación
Poboación	17.024 (2023) (2.309,91 hab./km²)
Lingua oficial	lingua catalá (lingua predominante)
Xeografía
Superficie	7,37 km²
Altitude	15 m
Comparte fronteira con	Alcàsser Valencia Catarroja Beniparrell Silla
Santo padrón	Brais de Sebaste e Santa Ana
Organización política
• Alcalde	Ramon Mari Vila (en) (2003–2023)
Identificador descritivo
Código postal	46470
Fuso horario	UTC+01:00
Código INE	46007
ARGOS ID (en)	46007
Páxina web	albal.es

Xeografía

Albal está situado entre a Albufeira e as últimas elevacións da serra Perenchiza. O terreo en que se sitúa é a chaira de aluvión que conforma toda a comarca da Horta de Valencia. Formada polos sedimentos acumulados ao longo de millóns de anos polos numerosos barrancos de escorrentía da zona.

Esta regado polo Xúcar por medio do Caldeirón Real e do Turia por medio do de Favara, que ten o seu fin neste termo. As súas augas son repartidas a todo o termo pola Quenlla de Albal. Atópase preto do Parque Natural da Albufeira

O seu clima é mediterráneo con temperaturas suaves no inverno e no verán. A maior parte das precipitacións teñen lugar na primavera e no outono. Frecuentemente, no outono teñen lugar choivas torrenciais xeradas polo fenómeno da gota fría. Ocasionalmente prodúcense desbordamentos dos barrancos citados.

Os concellos limítrofes de Albal son Catarroja, Beniparrell, Silla e Alcàsser, todos da comarca da Horta Sud, e a cidade de Valencia.

Historia

A orixe do municipio remóntase á época musulmá cando foi fundada unha alquería árabe ou casa de campo da época, que recibiu o nome de Alboayal e que, en 1238, o rei Xaime I de Aragón doou a Gil d'Atrosillo, quen seis anos máis tarde, vendeuna ao cabido Catedralicio de Valencia, que conservou definitivamente o señorío.

Demografía

A súa poboación é de 15.084 habitantes en 2008, aínda que con tendencia á alza debido á gran cantidade de terreo en que se está edificando. A maior parte dos novos chegados son da mesma provincia.

Evolución demográfica

1900	1910	1920	1930	1940	1950	1960	1970	1981	1991	2000	2005	2007
2.293	2.373	2.673	3.100	3.547	4.069	4.784	7.203	8.101	9.109	11.973	14.061	14.840

Monumentos

• Ermida de Santa Anna. Edificada sobre un pequeno montículo, onde a tradición sinala que foi atopada a súa imaxe; é patroa de Albal. O edificio é amplo con arcadas oxivais, con atrio e coro alto, sendo restaurada en 1943 e en 2005. Tamén é venerado alí San Brais, patrón do pobo. A paraxe está cuberta de piñeiros, con ampla praza e fonte, sendo lugar de romaría durante as festas patronais, o 3 de febreiro e o 26 de xullo, instalándose entón postos para a venda do típico "porrat".
• Igrexa Parroquial da nosa Señora dos Ánxeles. Construída en 1697.
• Torre árabe.

Festas

As principais festas son:

• San Brais. Celébrase o 3 de febreiro.
• As Fallas. En marzo.
• Santa Ana. Ten lugar o 26 de xullo.

Son típicos en festas os fogos de artificio, as misas, procesións, concertos de música, cabalgatas e verbenas.

Véxase tamén

Ligazóns externas

• Sitio web oficial
• Instituto Valenciano de Estatística
• Guía de comercios de AlbalArquivado 20 de xaneiro de 2021 en Wayback Machine.
• Torre Árabe de Albal