Yellow Pixoliñas
Yellow Pixoliñas foi un grupo de rock de Monforte de Lemos, na provincia de Lugo. Foi un dos expoñentes da escena musical da cidade, tradicionalmente dinámica no aspecto musical.
| Yellow pixoliñas | |
|---|---|
 Tico | |
| Orixe | Monforte de Lemos, Galiza  |
| Período | 1987-1998 |
| Xénero(s) | rock bravú |
| Membros | Tico Thierry Franki Ton Tito Xabier |
| Antigos membros | Juan, Manolo |
| Na rede | |
| myspace da banda | |
   | |
Historia editar
A banda formouse en 1987 por Tico, Ton, Perico, Xabier e Juan. Pouco despois Juan abandona o grupo por discrepancias co resto. Pasado un tempo fichan outra persoa que toque a guitarra, pola necesidade dun solista, e o elixido é Manolo. Manolo dura pouco tempo por problemas de saúde e substitúeo Franki (1990). Un ano máis tarde Thierry entra a tocar o teclado dándolle así máis liberdade a Tico (vocalista e teclista), pechando a formación definitiva de Yellow Pixoliñas.
Con influencias do punk inglés e do ska entre outros estilos, elaboraban as súas letras en galego, facendo uso tamén do castelán e do inglés; enmarcados no posteriormente bautizado como rock bravú para definir a unha serie de grupos, como Os Resentidos de Antón Reixa, Los Berrones, Os Diplomáticos de Monte-Alto ou Heredeiros da Crus; maioritariamente de orixe galega e asturiana, tiñan como característica común o uso de letras combativas e un sentido do humor orientado ao rural; posteriormente o grupo decidiu desmarcarse desa corrente, debido á súa, segundo eles, marcada politización.
A súa colaboración no Xabarín Club abriulles un público máis amplo. O grupo disolveuse a finais dos anos 90, tras rexeitar a oferta de fichar por unha multinacional. Actualmente, algúns dos seus compoñentes residen en Monforte de Lemos, onde compaxinan os seus negocios particulares con diversos grupos musicais de grande aceptación local; así Thierry e Franki tocan en Doc Magoo's mentres que Tico tocou durante unha época en Lapanaback. Na súa vila organizouse un concerto-homenaxe ao desaparecido grupo, no que participaron músicos doutras formacións.
Discografía editar
- Galician people speak Galego (1992)
- Lacon lover (1994)
- Non pises a herba! (1996)
Membros editar
- Tico (vocalista)
- Thierry (teclista)
- Franki (guitarrista)
- Ton (guitarrista)
- Tito (baixista)
- Xabier (batería)
Véxase tamén editar
Bibliografía editar
- Rock Bravú, a pasión que quema o peito (Xavier Valiño, Ed. Xerais, Vigo) ISBN 84-8302-367-9
- Música sen fronteiras Galicia-norte de Portugal (Varios autores) ISBN 84-453-3560-X
Ligazóns externas editar
- Myspace Oficial de Yellow Pixoliñas
- Artigo Yellow pixoliñas
- O bravú naceu nos bares, artigo sobre o Rock bravú en Vieiros (12 de decembro de 2005).