Yelena Grigoryeva
Yelena Grigoryeva, nada en 1977/1978 e finada en San Petersburgo o 21 de xullo de 2019, foi unha activista dos dereitos humanos, e dos dereitos LGBTQ. Tamén se opuxo á anexión de Crimea pola Federación Rusa.[1][2][3]
| Nome orixinal | (ru) Елена Григорьева  |
|---|---|
| Biografía | |
| Nacemento | 1978 Nóvgorod, Rusia |
| Morte | 21 de xullo de 2019 (40/41 anos) San Petersburgo, Rusia |
| Causa da morte | Homicidio (Arma branca ) |
| Datos persoais | |
| País de nacionalidade | Rusia Unión Soviética |
| Actividade | |
| Ocupación | Activista polos dereitos humanos , reporteira , activista LGBT , activista |
| Lingua | Lingua rusa |
Foi asasinada en San Petersburgo o 21 de xullo de 2019 despois de ser apuñalada e esganada por asaltantes descoñecidos. Información para a identificación de Grigoryeva apareceu en xullo nunha páxina web dun grupo que se facía chamar "Saw" en honor á franquía estadounidense de filmes de terror. O grupo alentou ós lectores a cazar, secuestrar e asasinar a unha lista de persoas LGBTQ+. A páxina web "Saw" foi bloqueada en Rusia pero unha nova lista de activistas, xornalistas e cidadáns LGBTQ+ está circulando en aplicacións de redes sociais e aplicacións de mensaxería no país, o que aínda anima a outros a asasinar persoas LGBTQ+ en Rusia.
Grigorieva publicara advertencias sobre o grupo "Saw" en Facebook, indicando que a rede rusa de LGBTIQ+ buscara sen éxito casos legais que rastrexaran as accións deste grupo. Tamén, coa axuda do seu avogado, recorreu en numerosas ocasións á policía en relación coas ameazas recibidas. Despois da súa morte, a policía rusa afirmou estar ó tanto destas alertas, pero que se referían só a disputas privadas e non a persecución política.[4] Grigorieva recibira ameazas pouco antes da súa morte e pideulle a unha amiga que coidara do seu gato se lle pasaba algo.[5]
Notas editar
- ↑ "Russian LGBT activist Yelena Grigoryeva murdered in St Petersburg" (en inglés). 2019-07-23. Consultado o 2019-07-24.
- ↑ "Russian LGBT Activist Is Found Dead; Friends Say She Was Threatened" (en inglés). Consultado o 2019-07-24.
- ↑ "Russian LGBTQ activist is killed after being listed on gay-hunting website" (en inglés). Consultado o 2019-07-24.
- ↑ ZEIT ONLINE, ed. (2019-07-26). "St. Petersburg: Polizei wertet Mord an LGBT-Aktivistin als "persönlichen Konflikt"". Die Zeit (en alemán). ISSN 0044-2070. Consultado o 2019-12-17.
- ↑ Walker, Shaun (2019-07-22). "St Petersburg murder victim was 'well-known LGBT rights activist'". The Guardian (en inglés). ISSN 0261-3077. Consultado o 2019-12-17.