Xuliana Conde González


Xuliana Conde González, nada en San Xián de Marín en 1843 e finada en San Martiño de Bueu en 1920 ca., foi a primeira poxadora de peixe do concello de Bueu.

Infotaula de personaXuliana Conde González
Biografía
Nacemento1843
San Xián de Marín (Marín)
Morte1920 ca.
A Praia (Bueu)
Datos persoais
Outros nomesA Xuliana
País de nacionalidadeEspaña Editar o valor em Wikidata
Actividade
OcupaciónPoxadora de peixe
Período de actividade1860 ca. - 1900 ca.
Familia
CónxuxeAntonio López Troncoso
PaisPedro Conde  e Ramona González
Premios
IV Homenaxe Bueuesa Senlleira

Traxectoria

editar

Naceu en San Xián de Marín en 1843, filla de Ramona González e Pedro Conde, no seo dunha familia humilde do centro da vila. Mudouse na década de 1860 ao concello de Bueu tras casar con Antonio López Troncoso. Comezan a vivir de alugueiro no lugar da Praia dado que el era mariñeiro. A partir de entón comezou a vender os excedentes de peixe do seu home e, con posterioridade, realizou a poxa da mercancía procedente das grandes capturas: arrastre, xeito e ardora.

A súa última neta viva, Fita, comentou sobre Xuliana:

"Abuela Xuliana traballaba no mesmo que mamá. Seino porque abuela Xuliana deixoulle a mamá a ventaxa. Foi a primeira que traballou diso aquí en Bueu"[1].

A importancia que tivo foi tan grande que as descendentes pasaron a tomar o seu nome como alcume familiar: As Xulianas. A este respecto unha das bisnetas, Luísa, lembra:

"A miña bisavoa foi a primeira muller subhastadora na Lonxa de Bueu e chamábase Xuliana; cando ela o deixou, herdou o seu traballo a miña avoa, Concepción, que tomou o nome de A Xuliana"[2].

Apenas hai datos sobre a súa vida e, probabelmente, morreu a mediados da década de 1920.

Premios e recoñecementos

editar

En 2021, a Asociación Club Golfiños-Bueu rendeulle a IV Homenaxe Bueuesa Senlleira xunto coas súas descendentes.[3] Ademais, dedicóuselle o número 3 do fanzine Aña en marzo dese mesmo ano. E en agosto saíu publicada unha pequena recensión na revista A Trabe de Ouro.

  1. Club Golfiños, Bueu (2021). "Xuliana Conde González (1843-1920ca)". Aña. Fanzine de (des)identidades femininas de Bueu (3): 7. 
  2. Varela, Lola (2007). "As Xulianas de Bueu. Unha saga de subhastadoras de peixe". Ardentía (4): 36–38. 
  3. Redacción (7 de marzo de 2021). "Cuarta homenaxe “Bueuesa Senlleira” por parte de Golfiños". farodevigo.es. Consultado o 23 de outubro de 2021.