Xosé Manuel Cid
Xosé Manuel Cid Fernández, nado en Morgade (Xinzo de Limia) o 14 de maio de 1957, é un pedagogo galego.
  | |
| Biografía | |
|---|---|
| Nacemento | 14 de maio de 1957 (66 anos) Morgade, España |
| Datos persoais | |
| País de nacionalidade | España |
| Actividade | |
| Ocupación | pedagogo , escritor |
| Lingua | Lingua galega e lingua castelá |
 | |
Traxectoria editar
Licenciouse en 1979 en Filosofía e Ciencias da Educación, doutorándose en Pedagoxía en 1987 coa tese Educación e Sociedade en Ourense durante a IIª República. Entre 1979 e 1990 deu clase de teoría a Historia da Educación no Colexio Universitario de Ourense (daquela dependente da USC), e desde ese ano dá aulas na Facultade de Humanidades de Ourense, dependente da Universidade de Vigo. A súa especialidade é a Pedagoxía Social, dentro da titulación de Educación Social.
Foi vicedecano de Humanidades entre 1990 e 1994, e decano entre 1994 e 1998. Entre 1998 e 2000 foi vicerreitor de Extensión Universitaria.
É colaborador do proxecto de renovación pedagóxica Nova Escola Galega, do que foi presidente. Tamén é membro da fundación Vicente Risco.
O 2 de xullo do 2022 é escollido como o primeiro presidente da Academia das Ciencias Sociais do Couto Mixto[1].
Obra editar
- Educación e ideoloxía en Ourense na IIª República (1989, Universidade de Santiago).
- Teorías e institucións educativas en Ourense durante a IIª República (1994, Universidade de Vigo).
- Por unha escola do pobo. No Centenario de Freinet (1998, Coord. Universidade de Vigo).
- Actores sociais e factores de cambio no medio rural (1999, Coord. Universidade de Vigo).
- Vintecinco anos de Freinet en Galicia, (2000, Coord.).
Colaborou en diversos libros colectivos, e revistas científicas como Historia de la Educación, Pedagoxía Social ou Temps d'educació.
Galardóns editar
- Xuíz Honorario do Couto Mixto no 2000
- Premio Lois Peña Novo (2016)
Notas editar
- ↑ "Unha academia avivará o estudo do Couto Mixto". 28/06/2022. Consultado o 01/07/2022.