Xornada Mundial da Xuventude

A Xornada Mundial da Xuventude, tamén coñecida co acrónimo WYD en inglés, é un encontro internacional dos mozos de tradición católica, coa presenza do Papa. Celébrase en dúas modalidades: o Domingo de Ramos de cada ano na igrexa local e un encontro co Papa en Roma; e cada dous ou tres anos unha cita específica do mundo cunha gran reunión que apoia o procedemento formal consolidado cos anos e cun gran número de participantes de tódalas partes do mundo. Este último encontro, de varios días de duración, asóciase ó nome de Xornada Mundial da Xuventude. En agosto de 2005 en Colonia celebrouse a Xornada Mundial da Xuventude 2005 na que participaron un millón de mozos.^{[Cómpre referencia]} A seguinte tivo lugar en Sidney do 15 ao 20 de xullo de 2008, a segunda, trala de Bos Aires, organizada no hemisferio austral. En 2011 celebrouse en Madrid.

O sentido da XMX editar

A Xornada Mundial da Xuventude proponse como experiencia da fe na Igrexa católica; ten como protagonistas os mozos. Os participantes teñen obxectivos precisos: encontrarse, crecer interiormente a través do intercambio de experiencias e pregar co Papa. Trátase dunha peregrinación.

A sede da Xornada é escollida polo Papa.

Historia editar

As orixes editar

Durante o Xubileu do 1983-1984, chamado Ano Santo da Redención en recordo da morte de Xesús Cristo 1950 anos atrás segundo o cristianismo, entre as distintas celebracións dedicadas á xuventude, a máis importante tivo lugar na vixilia do Domingo de Ramos en Roma. Máis de 300.000 mozos procedentes de todas as partes do mundo (e acomodados en preto de 6.000 familias romanas)^{[Cómpre referencia]} participaron no Xubileu internacional da xuventude. Entre moitos bispos estaban tamén presentes o Irmán Roger e a Nai Tareixa de Calcuta. O papa Xoán Paulo II obsequiou aos mozos cunha cruz de madeira que simbolizaba "o amor do Señor Xesús pola humanidade e como anuncio de que só en Cristo morto e resucitado esta a salvación e a redención".

O 1985 foi proclamado pola ONU Ano Internacional da Xuventude. A Igrexa organizou un novo encontro internacional o Domingo de Ramos, o 31 de marzo, con outros 350.000 mozos que se reuniron na Praza de San Pedro.^{[Cómpre referencia]} Tras este evento o Papa instituíu a Xornada Mundial da Xuventude, con cadencia anual.

O Domingo de Ramos de 1986 tivo lugar en Roma a primeira Xornada Mundial da Xuventude, a primeira dunha serie delas que o marcaron definitivamente co alcume de "O Papa dos máis novos". Naquela ocasión Karol Wojtyla deu a coñecer aos mozos a carta Sempre prestos a testemuñar a esperanza que está en vosoutros, dando o seu apoio á xuntanza do ano seguinte en Buenos Aires. Agora a Xornada Mundial da Xuventude vén celebrándose cada ano, o día do Domingo de Ramos, en tódalas dioceses. Cada dous ou tres anos este acontecemento asume o aspecto dunha reunión internacional.

O organismo encargado da organización e da coordinación das Xornadas Mundiais da Xuventude é o Consello Pontificio para os Laicos, cuxa Sección de mozos foi instituída no 1985^[1].

Os eventos sucesivos editar

Participantes na XMX de Colonia no 2005

Os mozos que acoden a estes importantes encontros son sempre moi numerosos.

Despois de Bos Aires, reuníronse en Santiago de Compostela, en Galiza, en 1989. A partir deste encontro a Xornada Mundial foi ampliada con tres días de catequese denantes da celebración final.

En Czestochowa, en Polonia no 1991, celebrouse o primeiro encontro do Papa con milleiros de xoves nunha antiga república soviética.

Uns anos despois, no 1993, os mozos reuníronse tralas Montañas Rochosas de Denver, nos Estados Unidos. A novidade desta edición foi o establecemento da celebración do Via Crucis.

No 1995 a Xornada tivo lugar en Asia, en Manila, capital de Filipinas, cunha plusmarca de asistencia de preto de 5 millóns de persoas.^{[Cómpre referencia]}

O millón douscentos mil participantes na XMX de París^{[Cómpre referencia]}, no 1997, forzou moitos comentarios en comparación coa anterior de Manila: Europa, como os EEUU, é unha terra considerada como "difícil" dende o punto de vista de adhesión á fe relixiosa. Adriano Sofri, comentando esta xornada, definiuna como un dos poucos eventos comparables ó Maio do 68, "non obstante a enorme diferenza, ou máis ben, grazas a ela." Foi introducida nesta edición a iniciativa de facer preceder o evento dun encontro dos mozos de todo o mundo nas dioceses francesas como "momento de festa, oración e coñecemento".

Tres anos despois, en Roma, no medio do Xubileu do 2000, preto de dous millóns de xoves invadiron a Cidade eterna, para participar na iniciativa da xornada mundial, culminada cunha vixilia na explanada de Tor Vergata e a Misa á mañá seguinte. Estiveron presentes en Roma varios talleres para unir a propia fe á vida xuvenil. Chamados por Xoán paulo II "Sentinelas do mañá", os xoves foron invitados a non resignarse á inxustiza do mundo, a defender a paz, a manter o mundo sempre moi habitable e a dar o propio "si" a Cristo como centro do propio ideal e realización da felicidade.

Naquela ocasión Xoán Paulo II comunicoulles a todos que o próximo encontro tería lugar no Canadá no 2002 en Toronto. Á fin desta xornada o Papa convocou os novos a Colonia, en Alemaña. O papa faleceu antes de poder participar. De Toronto proveu a iniciativa concreta do voluntariado.

O novo Pontífice, Bieito XVI, foi acollido pola xuventude no agosto do 2005 en Alemaña, na súa terra natal. Vimos a adoralo foi o lema do encontro: son as verbas pronunciadas polos Reis Magos, cuxas reliquias, segundo a tradición católica, son custodiadas na cidade do Rin, vidos de Oriente para adorar a Xesuscristo.

O Papa Bieito XVI comunicou a sede da vindeira XMX durante a celebración de clausura da Xornada Mundial da Xuventude 2005 na grande explanada de Marienfeld. A cidade elixida foi Sidney.

As Xornadas Mundiais da Xuventude editar

Data	Cidade	Participantes¹	Edición.	Tema
11-15 de abril, 22 de abril 1984	Roma, Italia	300.000	0	Xubileu internacional dos xoves con ocasión do Ano Santo da Redención
31 de marzo 1985	Roma, Italia	350.000	0	Con ocasión do Ano Internacional da Xuventude 1985. Mestre, que debo facer para alcanzar a vida eterna? (Mt 19,16)
23 de marzo 1986	(diocesana)		I	Sempre listos para testemuñar a esperanza que está en vos (1Pe 3,15)
11-12 de abril 1987	Buenos Aires, Arxentina	1.000.000	II	Recoñecemos e cremos o amor que Deus ten para nos mesmos (1Xo 4,16)
27 de marzo 1988	(diocesana)		III	Fate quello che egli vi dirà (Evanxeo de San Xoán 2,5b)
15-20 de agosto 1989	Santiago de Compostela, Galicia	400.000	IV	Io sono la via, la verità, la vita (Evanxeo de San Xoán 14,6)
8 de abril 1990	(diocesana)		V	Io sono la vite voi i tralci (Evanxeo de San Xoán 15,5)
10-15 de agosto 1991	Częstochowa, Polonia	1.600.000	VI	Avete ricevuto uno Spirito da Figli (Cartas aos romanos 16,15)
12 de abril 1992	(diocesana)		VII	Andate in tutto il mondo e predicate il Vangelo (Evanxeo de San Marcos 16,15)
10-15 de agosto 1993	Denver, Estados Unidos	600.000	VIII	Io sono venuto perché abbiano la vita e l'abbiano in abbondanza (Evanxeo de San Xoán 10,10)
22 de marzo 1994	(diocesana)		IX	Come il Padre ha mandato me, anch'io mando voi (Evanxeo de San Xoán 20,21)
10-15 de xaneiro 1995	Manila, Filipinas	5.000.000	X	Come il Padre ha mandato me, anch'io mando voi (Evanxeo de San Xoán 20,21)
31 de marzo 1996	(diocesana)		XI	Signore da chi andremo? Tu solo hai parole di vita eterna (Evanxeo de San Xoán 6,68)
19-24 de agosto 1997	París, Francia	1.200.000	XII	Maestro dove abiti? Venite e vedrete (Evanxeo de San Xoán 1,38-39)
5 de abril 1998	(diocesana)		XIII	Lo Spirito vi insegnerà ogni cosa (Evanxeo de San Xoán 14,26)
28 de marzo 1999	(diocesana)		XIV	Il Padre vi ama (Evanxeo de San Xoán 16,27)
15-20 de agosto 2000	Roma, Italia	2.500.000	XV	durante o ano xubilar: Il Verbo si fece carne e venne ad abitare in mezzo a noi (Evanxeo de San Xoán 1,14)
8 de abril 2001	(diocesana)		XVI	Se qualcuno vuol venire dietro a me, rinneghi sé stesso, prenda la sua croce e mi segua (Evanxeo de San Lucas 9,23)
23-28 de xullo 2002	Toronto, Canadá	800.000	XVII	Voi siete il sale della terra, la luce del mondo (Evanxeo de Mateu 5,13-14)
12 de abril 2003	(diocesana)		XVIII	He aquí a túa nai! (Evanxeo de San Xoán 19,27)
4 de abril 2004	(diocesana)		XIX	Vogliamo vedere Gesù (Evanxeo de San Xoán 12,21)
16-21 de agosto 2005	Colonia, Alemaña	1.200.000	XX	Vimos para adoralo (Evanxeo de Mateu 2,2)
9 de abril 2006	(diocesana)		XXI	Lampada per i miei passi è la tua parola, luce sul mio cammino (Salmos 119, 105)
1 de abril 2007	(diocesana)		XXII	Como Eu ameivos, así debereis amaros os uns ós outros (Evanxeo de San Xoán 13, 34)
15-20 de xullo 2008	Sidney, Australia	?	XXIII	Terás forza do Espírito Santo que descenderá sobre ti e seredes as miñas testemuñas (Feitos dos apóstolos 1, 8)