Xoán Vidal Martínez
Xoán Vidal Martínez, nado en Salcedo (Pontevedra) o 29 de marzo de 1904 e finado na mesma vila o 19 de xuño de 1994, foi un mestre e poeta galego.
| Xoán Vidal Martínez | |
|---|---|
 | |
| Nacemento | 29 de marzo de 1904 |
| Salcedo | |
| Falecemento | 19 de xuño de 1994 |
| Pontevedra | |
| Soterrado | Cemiterio de Santo Amaro de Pontevedra |
| Nacionalidade | España |
| Ocupación | político e poeta |
| Fillos | Aurora Vidal Caramés |
| Irmáns | Aurora Vidal Martínez |
| [ editar datos en Wikidata ] | |
VidaEditar
Estudou maxisterio e fíxose mestre traballando a prol do ensino en galego con Antón Iglesias Vilarelle. Colaborou en La Raza. Foi cofundador xunto con Castelao e outros persoeiros do Partido Galeguista de Pontevedra, do que chegou a ser presidente. Despois o partido integrouse no Partido Galeguista.
Tralo Alzamento Nacional foi represaliado. Abandonou a poesía para dedicarse ao seu traballo como mestre. En 1946 asentouse coa súa dona en Ares e foi mestre da Alianza Aresana (1946-1969). En 1969 marchou ás Illas Canarias exercendo o maxisterio no Colexio Ramón y Cajal de Santa Cruz de Tenerife, no que se xubilou aos 65 anos de idade.
Era irmán da tamén poeta Aurora Vidal Martínez. Tivo tres fillos e cinco fillas, entre elas as tamén escritoras Aurora e Clementina Vidal Caramés[1].
ObraEditar
Publicou poemas en Vida Gallega. Xunto a Modesto Bará Álvarez fundou a revista Hebe. Amais, tamén fundou a revista literaria de corte nacionalista Alborada e a revista Cristal (1932-33) xunto a Xosé María Álvarez Blázquez.
Como poeta pertenceu á xeración do 25 xunto a Luís Amado Carballo e Álvarez Blázquez. Publicou catro obras:
- Mágoas, 1921.
- Alcor, 1927.
- Los senderos inútiles, 1956.
- Voz y memoria (Antología poética), 1986.
Galería de imaxesEditar
Voda de Xoán Vidal Martínez con Aurora Caramés Monteagudo, Salcedo, 1933.
Placa na casa familiar, na rúa dos Soportais de Pontevedra.
Lápida no Cemiterio de Santo Amaro de Pontevedra.
Poema seu xunto ao seu panteón no cemiterio de Santo Amaro de Pontevedra.
NotasEditar
- ↑ Xoán Vidal, na web Xenealoxía.
Véxase taménEditar
BibliografíaEditar
- Acuña Trabazo, A. (2005). Xoán Vidal Martínez. Voz e memoria. Pontevedra:: Concello de Pontevedra.
- Vidal Caramés, A. e Vidal Caramés, C. (2009). Xoán Vidal Martínez. Vida e obra. Pontevedra: Deputación provincial. ISBN 978-84-8457-326-5.
- Couceiro Freijomil, A. (1954). "VIDAL MARTÍNEZ, Xoán". Diccionario bio-bibliográfico de escritores (en castelán) III. Santiago de Compostela: Bibliófilos Gallegos. p. 503.
Ligazóns externasEditar
- Ficha en www.poesiagalega.org