Xavier Ribalta
Xavier Ribalta nado en Tàrrega, na provincia de Lleida, en 1943, é un músico catalán.
| Biografía | |
|---|---|
| Nacemento | 3 de xuño de 1943  (80 anos)Tàrrega, España |
| Datos persoais | |
| País de nacionalidade | España |
| Actividade | |
| Ocupación | cantautor , compositor |
| Lingua | Lingua catalá e lingua castelá |
 | |
Traxectoria editar
É fillo dunha familia de fortes vencellos coa terra e mais co catalanismo[Cómpre referencia]. Estas raíces estarán presentes sempre na súa forma de compor e de interpretar.
O seu nome é un dos primeiros que conforman a Nova Cançó, pero desde os seus inicios segue un camiño independente, persoal e comprometido que o levará a un autoexilio por non poder traballar no seu país. En 1968 é multado e prohíbeselle cantar en todo o territorio español, prohibición que seguirá vixente ata o ano 1975.
A obra de Xavier Ribalta personifica a orientación máis xenuína da Cançó Catalá. A riqueza musical das súas composicións, valoradas en todo o mundo, o rigor na elección dos poetas musicados e a forza da interpretación son as súas armas principais. No fondo prevalece un aire épico, convertido en partitura que sae dunha voz profunda e chea, sempre á procura da ancha expansión do "vento libre" como dixera Rafael Alberti.