William James

William James, nado o 11 de xaneiro de 1842 en Nova York e finado en Chocorua (Nova Hampshire) o 26 de agosto de 1910, foi un psicólogo e filósofo estadounidense.

William James
Nacemento	11 de xaneiro de 1842
Lugar de nacemento	Astor House
Falecemento	26 de agosto de 1910
Lugar de falecemento	Tamworth
Causa	Insuficiencia cardíaca
Soterrado	Cambridge Cemetery
Nacionalidade	Estados Unidos de América
Relixión	luteranismo
Alma máter	Facultade de Medicina Harvard, Harvard School of Engineering and Applied Sciences, Universidade Harvard e Plymouth College
Ocupación	filósofo, psicólogo, profesor universitario, médico e escritor
Pai	Henry James, Sr.
Nai	Mary Walsh James
Cónxuxe	Alice Gibbens James
Fillos	William James
Irmáns	Henry James e Alice James
Coñecido por	Os Princípios da Psicologia, As Variedades da Experiência Religiosa e Essays in Radical Empiricism
Na rede
[ editar datos en Wikidata ]

Fotografía de William James cara 1890.

Traxectoria

Criado nunha familia de tradición calvinista, é irmán de Henry James. Primeiramente estudou medicina para despois ocuparse da psicoloxía e a filosofía. Profesor da Universidade de Harvard, foi un prolífico conferenciante. John Dewey foi alumno seu.

Pensamento

Psicoloxía

Falou do stream of consciouness, é dicir, da corrente ou fluxo da conciencia. A conciencia é un continuo bulir de conceptos e relacións. Para el o ser empírico é un ser material (corpóreo), social (o que os demais opinan) e espiritual (a interioridade). Segundo a súa teoría periférica das emocións, é o a manifestación somática o que xera a emoción.

Filosofía

Defendeu o pragmatismo. Considera que non pode haber unha diferenza que non marque unha diferenza. A función da filosofía consiste na pescuda da diferenza que producirá en ti e en min que unha fórmula do mundo se estime verdadeira. Hai que abandonar a abstracción pola concreción, os sistemas pechados pola acción e o poder. Máis que os principios e as categorías contan as consecuencias e os feitos. As ideas son parte da experiencia, e só deben ser tidas como verdadeiras se nos permiten entrar en contacto con outras experiencias. Xa que logo, verdade é o que funciona, o que sae ben, o que é útil, o que ten éxito.

Obras

• The principles of psicology.
• The Will to Believe.
• Pragmatism: A New Name for Some Old Ways of Thinking.
• The Meaning of Thruth.
• Pluralistic Universe.
• Essays in Radical Empiricism.
• Some Problems of Philosophy.