Wikipedia:A Taberna (propostas)/Arquivo 20

Este é un arquivo da sección A Taberna (propostas) da Taberna
Nesta páxina atópanse algúns dos fíos de conversa tratados nesta sección da Taberna que foron arquivados.
Por favor, non edites esta páxina. Para reavivar calquera destes debates, comeza un novo tema na páxina actual.
< Conversas vellas | Arquivos: 1, 2, 3, 4, 5, 6, 7, 8, 9, 10, 11, 12, 13, 14, 15, 16, 17, 18, 19, 20, 21, 22, 23, 24, 25, 26, 27, 28, 29, 30, 31, 32, 33, 34

Táboa mantementoEditar

Compañeiros, fixen este cadro: {{Táboa mantemento}}. Dígovolo por se vos interesa e queredes incluíla nas vosas páxinas ou subpáxinas de usuario. A ver se entre todos imos reducindo a porcentaxe de artigos/imaxes con problemas a prol da calidade da Galipedia--. HombreDHojalata.conversa 10:12, 10 de xullo de 2011 (UTC)

Galencontro 2011Editar

 
Proba de póster promocional :).

Ei! que xa estamos no verán! ;). Aproveitando o bó tempo, que anima a sair de casa, e que algúns collen vacacións, co que teñen máis tempo libre, ¿cando quedamos para contar historias da Galipedia e tomar un pouco o fresco?. Eu xullo o teño un pouco complicado, venme mellor en agosto ou setembro. Do sitio non teño preferencias, onde vos veña mellor a todos. E agora..., vós diredes!. Saúdos, --Elisardojm (conversa) 23:58, 16 de xullo de 2011 (UTC)

Igual é unha freakada moi gorda o que vou soltar, pero velaí vai: onte estiven na biblioteca da Cidade da Cultura, e a verdade é que teñen uns libros caralludos e curiosísimos. A comunidade podería organizar alá, na biblioteca, unha quedada un sábado pola mañá co fin de dar a coñecer a galipedia, coñecérmonos entre nós e traballar xunt@s (hai wifi), e axudar a usuari@s nov@s que se queiran pasar por alí. Despois poderiamos baixar á zona vella a comer e laretar, tomar uns dixestivos, e pasear pola alameda. Propoño o terceiro sábado de setembro. --Estevo(aei)pa o que queiras... 13:50, 29 de xullo de 2011 (UTC)
Pois a min tenme moi boa pinta, a Galipedia na Cidade da Cultura, sona ben e todo :), sería un puntazo!, eu apúntome :). O que pasa é que en setembro vou estar fora unha semana e aínda non sei cándo será, polo de agora sei que ó final estarei libre o 1º sábado (2 de setembro) e o 2º (9 de setembro). Saúdos, --Elisardojm (conversa) 23:30, 29 de xullo de 2011 (UTC)
Gústame a proposta de Estevo para reunírmonos na Cidade da Cultura. Elisardo, anímote a organizalo ti, home. Que se che dá ben o falares coas autoridades e conseguir locais. Se cedesen unha saliña, podería publicitarse pola rede para que acodan xentes de todas as cores e aprendérmoslles a galipediar. Un saúdo. --Atobar (conversa comigo) 21:56, 10 de agosto de 2011 (UTC)

Boeno, vou ver o que podo facer, pero para iso habería que ter unha data concreta, ¿aceptamos como mellor data para todos o día 17 de setembro?. Saúdos, --Elisardojm (conversa) 08:37, 31 de agosto de 2011 (UTC)

Hoxe rematei o póster promocional e todo ;). Pode retocarse todo o que querades. Saúdos, --Elisardojm (conversa) 09:29, 31 de agosto de 2011 (UTC)
Elisardo, e daranos tempo para o sábado 17 de setembro? Eu comprométome a estar se imos cando menos 6 dos 12 usuarios que estamos aquí inscritos. Nese caso, irei encantadísimo, mais se somos menos non, porque teño probablemente convidados esa fin de semana. O outros problema que lle vexo é a comunicación coa xerencia da Cidade da Cultura para que nos dean o sitio. Fas ti as xestións, compañeiro? Sería ben pechar a data e o número de asistentes real hoxe, para facer os primeiros movementos mañá mesmo. Por último, hai que mover esa xuntanza nas redes sociais e nos foros onde se mova cadaquén. Sería moi importante que fose un éxito de asistencias, se efectivamente imos acudir moitos dos usuarios activos habituais, porque así as cousas irán máis rápido e poderemos atender aos novos ademais de falarmos entre nós. En fin, colle as rendas organizativas, Elisardo, home.
Canto ao póster: boa imaxe de fondo e bo globo wikipédico colocado na esquina ao máis puro estilo SCI-FI. O que non me chista é a fonte de letra e o recadriño de abaixo. A ver se quen sabedes (HombreDHojalata, Toliño, Beni etc.) probades a facer ese minitexto algo máis estiloso. Bo traballo, Elisardo! --Atobar (conversa comigo) 10:15, 31 de agosto de 2011 (UTC)
Home, a cousa está xusta a verdade, poderíase deixar para o 4º sábado, o 24 de setembro. Neste momento fai falta unha votación, ¿17 ou 24 de setembro?. Eu voto polo 24, aínda que estou libre os dous, pero así temos máis tempo para organizar unha boa cousa. Saúdos, --Elisardojm (conversa) 10:39, 31 de agosto de 2011 (UTC)
Eu apúntome para o 17 seguro. O 24 non sei aínda se poderei ir. --Xas (conversa) 10:54, 31 de agosto de 2011 (UTC)
Eu como xa dixen non teño pobremas con ningunha data de setembro ainda que se hai que votar voto polo 24 por aquilo do tempo para organizalo. Saúdos--Alfonso (fálame sempre e pitame nas curvas) 10:58, 31 de agosto de 2011 (UTC)
Eu son partidario do 17, e gosto moito do cartel promocional. --Estevo(aei)pa o que queiras... 11:27, 31 de agosto de 2011 (UTC)
17, para termos seguro a Xas. E porque confío en que Elisargo mova os seus contactos coa administración e que todos botemos unha man na parte que se nos encomende (difusión, sobre todo). --Atobar (conversa comigo) 12:11, 31 de agosto de 2011 (UTC).
En principio o 17 a min vaime de pinga. Contai comigo. --Xabier Cid Talk 2 me, please 16:26, 31 de agosto de 2011 (UTC)
Estou dispoñibe calquera dos dous días, salvo imprevistos imprevisibles, así que me vale o día que decida a maioría. Pedro --Lameiro (conversa) 16:31, 31 de agosto de 2011 (UTC)
  • Parece que hai acordo da maioría. Se vos parece, a data queda pechada no 17 de setembro, e así podemos organizalo e movelo dende o mesmo día 1, á primerísima hora (00.00, en hora e media escasa). Dentro dun anaco vou crear un evento facebookeiro e comezamos a difundilo (coa interrogante do lugar exacto, porque a Cidade da Cultura aínda está por confirmar; en todo caso, iso corríxese sobre a marcha, porque na cidade de Compostela é seguro). --Atobar (conversa comigo) 20:37, 31 de agosto de 2011 (UTC)

Xa está mandado o emilio, agora toca esperar a ver o que din. Se non se pode facer alí pode tentarse no Telecentro de Formación de Santiago, ata o momento está libre o 17, ten WIFI e capacidade para 36 persoas aínda que só ten 18 ordenatas, pero están ben para os que non teñan portátil. Saúdos, --Elisardojm (conversa) 00:35, 1 de setembro de 2011 (UTC)

O evento no Facebook. --Atobar (conversa comigo) 09:53, 1 de setembro de 2011 (UTC)
  • Vaites! Cheguei tarde á votación...estes días andei de viaxe por Suíza e non cheguei ata esta pasada madrugada, por iso estiven 15 días sen editar. Eu ía votar polo 24, xa que o 17 non podo. Dá igual, vémonos na próxima que armemos. A pasalo ben, meus! --Paradanta (Cóntame) 13:56, 1 de setembro de 2011 (UTC)
Elisardo, que anda estes días de vacacións por Portugal, e mais eu mandamos un correo ao noso nome e como usuarios da Galipedia á xente responsábel da Cidade da Cultura, ao cal aínda non deron ningunha resposta. E Elisardo, el só, tratou ademais de os localizar no teléfono sen éxito (responder responderon, pero remitíronnos á futura resposta no e-mail, se o entendín ben). Conclusión: estamos á espera. Mais, como a cousa corre présa, e eu non teño para facer xestións máis ca o día de mañá (e Elisardo está fóra, xa dixen), vou esperar por esa resposta da Cidade da Cultura até as 12.00, mais se non chegase, daquela acudiría á Biblioteca Pública Ánxel Casal que teño ao lado da casa a falalo con eles in situ para que nos deixen facer aí a xornada galipédica (a biblioteca ten wifi, é nova e está caralluda e moi céntrica). Se alguén ten unha idea mellor, e sobre todo se alguén quere ocuparse do trámite, non ten máis que dicilo agora, que aínda se está a tempo. --Atobar (conversa comigo) 16:20, 5 de setembro de 2011 (UTC)
Acabo de chamar á Cidade da Cultura e seguimos nas mesmas, se cadra algo mellor. A persoa encargada de eventos está ocupada neste momento e quedaron que me chamaría de volta durante a xornada de hoxe. Optei por darlle máis chance á Cidade da Cultura e non acudir aínda ao recurso da Ánxel Casal, porque a biblioteca os sábados soamente abre de 10 a 14 horas. Ben, seguirei informando. --Atobar (conversa comigo) 09:53, 6 de setembro de 2011 (UTC)
Grazas polas xestións, Alejandro e Elisardo. --Estevo(aei)pa o que queiras... 10:51, 6 de setembro de 2011 (UTC)
Boas meus, non me mandaron correo ningún os da Cidade. A idea da biblioteca paréceme moi boa, a única mágoa é a do cartel ;), pero pódese facer outro, si tedes fotos dos sitio faise igual ou parecido. Non me podo liar máis que me van desconectar, outro día a ver si paso de novo. --Elisardojm (conversa) 23:13, 6 de setembro de 2011 (UTC)
  • Despois de moitas chamadas e correos,   Feito!. Copio o e-mail recibido este mediodía:

Sirva este Mail para confirmar a cesión GRATUITA da sala 2 da Biblioteca de Galicia para o evento solicitado. Pregamoslle que o Luns se poña en contacto conmigo para ultimar os detalles.

Pois iso. Témolo. O lugar (esa sala 2 da CIDADE DA CULTURA) ten capacidade para 40 persoas, conta con WIFI e polo que falei poderemos usar un proxector. O luns, cando chame, saberei canto tempo nola deixan. Eu creo que o seu era de 11 a 16.00 ou algo así. Que dicides? Opinade, para eu llo dicir ao responsábel de eventos. E ide propondo a maneira de o enfocarmos. Habería que movelo duramente ao longo de todo a próxima semana na rede e cunha nota de prensa a diversos xornais, pero para iso temos que decidir que ofrecemos exactamente. Eu creo que podemos dividir a carga de traballo: opino que cómpre facer algunha actividade para non-iniciados e unha charla ou unha serie delas sobre o que é e o non é a wiki en galego e as wikis en xeral. Eu, se o facemos, ocupábame de boa gana da estatística, que sabedes que me gusta. Saúdos. --Atobar (conversa comigo) 22:43, 9 de setembro de 2011 (UTC)

Usuario Data proposta Cidade proposta Comentarios
Elisardojm En xullo vai ser complicado, o 13 de agosto non podo. Logo en setembro vou marchar unha semana pero índa non sei cándo será. Ó final eu tamén estou libre o 3º finde de setembro, día 17. Onde faga bó día. Ó mellor podería conseguir un local para reunirnos en Santiago.
Paradanta Xullo e agosto téñoo moi difícil. En setembro teño unha axenda máis lixeira. Santiago estaría ben. Concreto: o 1º e o 3º finde de setembro non podo. Poderei, xa que logo, o 2º e o 4º, con preferencia por este último.
Elvira Posible os ùltimos dìas de xullo e a primeira semà de agosto. Preferencia por Santiago, pero sei moverme.
Xabier Cid Vai ser difícil que eu me acople: en Galicia non antes do 12 de setembro. Preferencia por Santiago, pero sei moverme.
Atobar Setembro preferentemente. Datas concretas non podo dar, pero tratarei de axustarme ás que deades vós. Tamén prefiro Compostela, entre outros motivos porque dentro de 5 días deixo Copenhaguen para me converter nun picheleiro de adopción.
Adorian Mellor en setembro, aínda que máis ben podería cara final de mes, xa que antes teño exames e estarei fóra. O mellor que me viría sería Lugo, pero se podo acudir móvome. O día 17 non podería, estou libre en principio a partires do 21.
Estevoaei 3º sábado de setembro Santiago de Compostela, biblioteca da Cidade da Cultura (ver proposta completa máis arriba)
Xas Os 20 primeiros días de setembro Santiago de Compostela
Alfonso Nun principio en setembro non teño problema Santiago de Compostela
Alberte A miña asistencia vai ter que quedar para a seguinte ocasión.
Lameiro Sen problemas en calquera data de setembro. Santiago venme ben, e a posibilidade de coñece-la Cidade da Cultura, un regalo engadido.
Xoacas De mediados de setembro en adiante. Eu prefiro na miña casa. Hai nove camas, cómese ben e a zona é flipante. O inconveniente é que está lonxe de todo. Santiago gústame, pero quédame lonxe. A cidade da cultura non me interesa.
Furado En principio non tería problema en calquera día de setembro. Santiago quédame preto, pero non teño problema para desplazarme onde sexa.
Beninho De principio podo calquera das dúas datas propostas. Santiago paréceme ben.

Organización do galencontroEditar

Bueno, agora que xa temos data e lugar, cómpre comezar a organizármonos.

-A min paréceme excesivo estar na Cidade da Cultura até as 16, e mesmo até as 15. Eu diría de dedicarnos ás computadoras de 10:30 a 14:30, e despois baixar ao casco antigo a comer.

-Estaría ben preparar unha introdución para as persoas que veñan que non controlen o asunto. Pero eu máis ben faría como nunha escola: en vez de levarmos a lección ben preparada da casa, agardaría a preguntarlles que é o que saben xa, e que é o que queren saber.

-Asuntos materiais:
temos todos computador portátil? Hai quen precise? Hai quen poida prestar?
vai haber conexión á rede eléctrica para recargar as baterías?

Un saúdo! --Estevo(aei)pa o que queiras... 08:46, 11 de setembro de 2011 (UTC)

  • Eu son partidario de facelo dende as 10.30 até ás 15.00, por se a cousa comeza tarde ou hai calquera imprevisto (e se ás 14.00-14.30 vemos que xa nos chegou, recollemos a tenda e abur.) // Paréceme ben a iniciativa didáctica que propón Estevo. // Mañá heille preguntar polas conexións; imaxino que teremos que levar algo (mesmo se nos din que teñen algúns, polo si ou polo non). // Sobre os ordenadores, hai si é seguro que temos que levar cadaquén o de noso. Na sala non nolos prestan. --Atobar (conversa comigo) 09:51, 11 de setembro de 2011 (UTC)
Mañá ás 11 quedei de ir ver a sala. Cando tal fago, informo. Entrementres, aí vai un texto que acabo de redactar e que mañá ao mediodía penso mandar como nota de prensa. Se alguén quere cambiar algo, é o momento.
A Wikipedia en galego vén de acadar os 75.000 artigos únicos, con máis de 2.000.000 de edicións e case 30.000 usuarios rexistrados, dos cales 300 son usuarios activos. Esta bonita restra de cifras ben vale de escusa para a organización dun galencontro, que terá lugar este sábado 17 de setembro entre as 10.30 e as 14.00 horas.
Trátase dunha xornada aberta sobre a Galipedia, e a ela queda convidado todo o público interesado, sen importar o seu grao de coñecementos sobre a edición wiki. Aquelas persoas que así o desexen poden achegarse á Cidade da Cultura, onde, na sala 2 da Biblioteca de Galicia, un grupo de galipedistas conformado por administradores e usuarios moi activos, impartirá un obradoiro de edición, e de busca e suba de contidos á Wikipedia en lingua galega. Despois deste obradoiro darase paso a unha charla-coloquio aberta a tódalas cuestións, dúbidas e propostas relacionadas co proxecto.
Non é imprescindible, mais si é moi recomendable, traer o ordenador portátil da casa, pois traballaremos conectados á WIFI da biblioteca para que os participantes podan probar no momento as prácticas que se realicen.
Agradécese a difusión deste evento.

--Atobar (conversa comigo) 21:53, 12 de setembro de 2011 (UTC)

  • Os que somos da aldea necesitaremos un mapiña ou algo así para saber como se vai desde Santiago ou desde a A9 ata a Cidade da Cultura. Pedro --Lameiro (conversa) 22:55, 12 de setembro de 2011 (UTC)
Na páxina da Cidade atopei este mapa que indica como chegar, e unha ligazón para atopala no Google Maps. Furado 16:40, 13 de setembro de 2011 (UTC)

Xa estou de volta pero aínda que teño que ir aterrando :).

Xenial que ó final vaiamos á Cidade da Cultura, moitas grazas Atobar polas túas xestións! :). Eu vou dar tamén a miña versión do evento. Propoño dividilo como mínimo en dous apartados, ó comezo podemos facer un pequeno taller de edición, pero nada de contar milongas, un taller práctico, práctico. Pode comezarse cunha pequena introducción do que é o movemento wikipedista e logo coller a guía da axuda e ir explicando e axudando ós participantes a facer cada unha das cousas que aparecen nel. E que o fagan nos ordenadores porque a mellor forma de aprender é facendo as cousas e cometendo erros. Non sei si sería recomendable comezar pola creación dun usuario, dígoo porque a xente ó mellor quere pensar un pouco con tranquilidade o seu alcume na wiki, entón as edicións de aprendizaxe terían que facelas na Zona de probas e ó haber varios traballando ó tempo poderán ter conflictos de edición. Si lles dicimos que fagan o usuario cada un podería facer as probas de edición na súa páxina de usuario e evitaríanse problemas...

Logo, eu na segunda parte do encontro eu faría unha charla aberta a tódolos temas e cuestións que todos os asistentes queran plantexar, dúbidas, debates que se podan comentar, ideas que salten da mata, experiencias na terceira fase da wiki, o que sexa.

O de facer só un "encontro-para editar" non me chama moito, penso que habería que enfocalo a facer algo máis participativo no que a xente poda explorar a Galipedia e comezar a dar os seus primeiros pasos na edición da enciclopedia. Pero tamén dependerá da xente que se apunte e do animada que esté.

Eu teño un portátil de máis por si alguén o precisa.

Quizáis podería enviarse algunha nota (a mesma que se envíe ós medios de comunicación) ós centros educativos de Santiago e arredores por si algún profe estivera interesado en participar. Saúdos,--Elisardojm (conversa) 01:04, 13 de setembro de 2011 (UTC)

Fixen algúns cambios no texto da nota, espero que vos parezan ben. Saúdos, --Elisardojm (conversa) 08:45, 13 de setembro de 2011 (UTC)
Aínda que haberá que resolver sobre a marcha, a idea de facer un encontro cunha parte de obradoiro e outra na que parcicipen os asistentes ou dalgún tipo de actuación ou presentación en grupo penso que é un bo plantexamento, pois hai que ter en conta que todo vai depender da xente que asista (algo moi difícil de predecir), e do grao de interés co que veñan, pois podemos estar (evidentemente con varios niveis de situacións intermedias) nun extremo onde o encontro fora só cunha ducia de visitantes que pasaban por alí e entraron a ver que era aquelo (algo que desgraciadamente temos que ter en conta), ata outro extremo onde aparezan varios centos de persoas (algo pouco probable, pero para o que temos que estar preparados, pois haberá nota de prensa, ímolo facer nun sábado, e parece ser que é un lugar moi concurrido), pasando por un grupo máis ou menos numeroso, pero cun alto interés por coñecer e participar (e que por tanto tería un alto nivel de exixencia), así que con un doble plantexamento como o que propoñedes podemos abarcar ambos extremos. Para o caso de asistencia numerosa sería imprescindible algún sistema de presentación a grupos, como un cañón ou similar. Furado 23:52, 13 de setembro de 2011 (UTC)
Si, polo que me comentou Atobar imos ter dispoñible un canón de proxección dende un ordenador, co cal podemos por unha pequena presentación introductoria e tamén será moi útil para explicar polos ollos as cousas que se comenten no obradoiro para que a xente poda seguilas doadamente.
Tes razón en que non é posible saber cánta xente e con qué expectativas vai vir xa que penso que esta é unha das primeiras veces que se fai unha cousa deste tipo. Haberá que adaptarse o mellor posible á situación. Eu preparei para un taller da CambRed unha presentación da que ó mellor se podería aproveitar a parte introductoria, cos retoques que fagan falta, si lle interesa a alguén podo mandarlle o ficheiro en formato ODP para que fuchique nel.
O que estaría ben sería ir organizando algunhas tarefas e que alguén se ofreza voluntario para facer cada unha delas, por exemplo, facer unha pequena introducción do concepto das wikis e da Galipedia (pode servir como base o documento anterior) que podería durar 15 minutos, revisar a axuda, organizar e preparar algúns exercicios para o obradoiro, buscar un moderador ou conductor da charla-coloquio que apunte algúns temas a tratar (isto é necesario mentras non se quenta o ambente e a xente se anima, logo según a participación os temas poden ir por calquera lado). ¿Qué máis tarefas podemos plantexar?, ¿quén se pode encargar de cada unha delas?. Eu polo pronto ofrézome para o obradoiro, xa fixen un par deles que me deron boas e malas experiencias e penso que lle vou collendo o 'tranquillo' ;), pero si alguén prefire facer iso tamén me podería encargar de facer a introducción, aínda que con iso penso que me lío máis porque empezo a falar só e non paro... :). Tamén propoño algúns temas para o coloquio, de diferentes niveis, que se poden usar según a marcha da charla: ¿Quitamos a suba de imaxes á Galipedia dunha vez por todas?, ¿que ferramentas hai para detectar plaxios?, a eterna pregunta de si as wikipedias son fiables, ¿como se pode usar a Galipedia na escola?, ¿como facer para recoller e aplicar os acordos de cesión de fotos e información de empresas e/ou administracións?, etc. Saúdos, --Elisardojm (conversa) 09:13, 14 de setembro de 2011 (UTC)
Aínda que vaime ser moi complicado por falta de tempo, penso que podo preparar algo no tema das traducións doutras wikis, pois penso que é unha boa forma de empezar para os novos usuarios, que pódense ver un poco "asustados" de empezar dende cero un artigo. En canto a temas a tratar no coloquio penso que non pode faltar o da fiabilidade das wikipedias, e tamén engadiría o delicado e complexo tema da relevancia enciclopédica e de si Wikipedia ten que estar aberta a calquera artigo o virar cara unha enciclopedia con contenidos mais "clásicos", e tamén estaría ben falar sobre si a Galipedia debe ser una enciclopedia aberta a tódolos temas pero centrada fundamentalmente sobre Galicia e temas afíns a nosa terra e a nosa cultura ou debe ser una enciclopedia universal coma calquera outra, sin centrarse en nada en concreto, pero en galego. Furado 12:53, 14 de setembro de 2011 (UTC)

Máis organizaciónEditar

 
Nota de prensa-convite elaborado polos usuarios Guldhammer e Elisardojm.

Aí queda o ficheiro do convite, para o difundirmos entre amizades e posíbeis interesados. O evento é de 10.30 a 14.00, mais o sitio abrénnolo ás 10.00 (eu tratarei de estar a esa hora). Os portatis, cadaquén que traia o seu. Elisardo, trae ese de sobra, que alguén seguro que o utiliza. O proxector e o cable deste, cedénnolo alí. Tamén un ladrón e un alongador, pero debemos levar máis nós. Hai catro tomas de electricidade, co cal temos que traer moitos aparellos para termos electricidade todos. A saliña está ben, localizada dentro da Biblioteca, e ten capacidade para 40-45 persoas. Ás 12.30, quen o desexar, ten unha visita guiada polo recinto (que é de balde). Recomendación: quen prognostique que vai ter fame, que traia o bocata da casa, porque a cafetaría é careira.

E agora a organización: eu conto con que sexamos un 20-25. Iso, ao meu ver, sería un éxito. Sermos unha ducia sería pouco (os de sempre), pero algo é algo. Máis de 25-30, a repanocha. Por outra banda, non complicaría moito o noso choio dese coloquio que comentades Furado e Elisardo. Estou con Estevo: o mellor é traballarmos todos e ir facendo roldas de ordenata en ordenata axudando e resolver as dúbidas. O que si cumpre é unha intro breve sobre que é a Wikipedia e por que razóns ten tanta ou máis fiabilidade que a Encarta ou e Enciclopedia Británica (o cal é un feito probado en distintos estudos estatísticos, non a miña opinión). Explicar tamén por exemplo que hai mil maneiras de enfocar a edición: hai quen fai artigos básicos (eu mesmo) e quen elabora a conciencia os seus (Lameiro, Xoio, moitas veces o Estevo e Xoacas), quen axuda en temas informáticos difíciles (HombreDHojalata ou Toliño), quen se dedica a temas políticos, deportes, artigos de lugares (Xas, Alfonso Márquez, PepedoCouto), quen non crea artigos senón que mellora os existentes, quen busca as fontes na propia rede e quen tira de libros da biblioteca, etcétera etcétera etcétera. Eu son moi partidario de facer todo sobre a marcha e os máis activos erguernos da cadeira cada pouco para ir axudar aos novos ingresados. Sería bo que ademais houbese un equipo de garda non físico pululando pola rede, e que tamén vaia revisando o que se fai (penso en HombreDHojalata, que levo un par de meses de sentinela galipédica, e ben que se agradece). Podemos tamén falar do noso contrastado rigor á hora de elixir artigos de calidade, amosar de que vai iso, falarmos da estatística comparada con outras wikis, da profundidade etc. Elisardo, pasa ese esquema que dis que tes xa doutras veces e mirámolo entre todos. Saúdos. --Atobar (conversa comigo) 14:04, 14 de setembro de 2011 (UTC)

Dinlle difusión ó evento na conta de Twitter da Galipedia. A ver se enchemos a Biblioteca. --Alberte Si, dígame? 14:54, 14 de setembro de 2011 (UTC)
O esquema está nesta dirección en formato pdf co que se pode revisar sen problema. Non o puxen en meta nin en commons en formato ODP, que é o orixinal, porque ese formato non está permitido neses servidores, o que acabo de facer agora é poñelo en Slideshare, hai que crear un usuario pero penso que iso non é un problema, está en http://www.slideshare.net/Elisardopr/taller-edicion-galipediacambred2011. A presentación é moi básica hai cousas que se poden aproveitar pero pode mellorarse bastante. Si alguén non quere rexistrarse en slideshare que me avise e mándolle o ficheiro por correo que non hai problema tampouco.
Por outra banda, explico un pouco en detalle a miña idea para facer o obradoiro tentando que sexa algo dinámico. Despois de que alguén faga a introducción da Galipedia, penso que o que iría mellor era que os asistentes crearan un usuario na Galipedia e probar con eles os elementos de edición wiki que están na referencia rápida. A mecánica sería: explicar un pouco un elemento de edición, por exemplo cómo poñer un título de sección de primeiro nivel, mostrar cómo se fai no ordenata para que a xente o vexa a través do canón, e logo pedirlles que o repitan nas súas páxinas de usuario, mentras os que estén de apoio no obradoiro revisan as dúbidas ou problemas que vaian aparecendo en cada exercicio. Esta é unha forma dinámica, organizada e creo que moito máis didáctica que soltar unha parrafada que para o único que vai servir será para aburrir á xente. Isto pode facerse nunha hora penso eu, os elementos que se tratarían serían simplemente os básicos de todo para que a xente vaia comezando, porque penso que a maioría será xente non iniciada. Si se vai ben de tempo poden comentarse outras cousas como subir fotos a Commons e escoller unha licencia.
Sobre os temas que propós eu penso que se poden comentar perfectamente na introducción antes do obradoiro e daríalle algo máis de contido interesante.
Sobre a charla-coloquio eu penso que sería ben que alguén fose dirixindo ou levando a voz cantante para que a cousa non quedase parada e tamén para facer un pouco de moderador para cando fose necesario, se apuntamos algúns temas interesantes para tratar, como os que comentei antes e outros, penso que sería un traballo doado. Saúdos, --Elisardojm (conversa) 01:07, 15 de setembro de 2011 (UTC)
A presentación está moi ben, Elisardo. Quixera un sejo vela! Eu engadiría un detalliño, na última diapositiva, a dos créditos: "(c) O logotipo da Wikipedia é marca rexistrada da Fundación Wikimedia, tódolos dereitos reservados." —o anterior comentario sen asinar foi feito por HombreDHojalata (conversacontribucións)
Elisardo, co teu permiso vou coller esta moi boa presentación da túa autoría e facer eu outro pdf cos erros de lingua xa corrixidos así como, na medida da posíbel, darlle un toque de seriedade, é dicir dirixilo a un lector adulto, que é o que imos ter. Á tarde mando algo e xa o reorganizas ti para diapositivas, de acordo? Saúdos. --Atobar (conversa comigo) 12:00, 15 de setembro de 2011 (UTC)
Vale, cambia o que che pareza ben, logo che mando o ficheiro orixinal por correo. Saúdos, --Elisardojm (conversa) 13:44, 15 de setembro de 2011 (UTC)

Pois veña, vémonos mañá!. Eu levarei, amais do portátil, un par de alargadeiras e de regletas de enchufes, por si fan falta (precisaremos algunha outra cousa?). Por certo, supoño que quedaremos xa na Cidade, pero onde e a que hora? Furado 07:45, 16 de setembro de 2011 (UTC)

Ás 10.30 na sala 2 da Biblioteca de Galicia, Furado. Eu estarei algo antes. Dixéronme que ían pór un carteliño e indicacións varias para que a xente saiba onde (e se non, chega con preguntar en Información). Trae esas regletas, que van facer falla. Polo demais, xa lle pasei o texto a Elisardo polo e-mail. Encargarase el da presentación (15 minutos) e despois eu fago unha breve explicación da evolución da wiki, con estatística comparada e cousas desas que a min me gustan (5 minutos). E a partir de aí, todo quisqui a editar, é dicir, o sempre bo método ensaio-erro. Deica mañá. --Atobar (conversa comigo) 09:07, 16 de setembro de 2011 (UTC)
E xa estamos, aínda que pouco, na rede :) :
Eu tentarei estar alí sobre as dez para ir preparando cousas, ó final non sei se poderei levar o portátil de máis, dependerá de si o precisan mañá ou non.
Sobre o obradoiro de edición eu sigo dicindo que debía ser un pouco guiado, tal e como comentei antes, para que a cousa sexa algo ordenada. Só é preciso que alguén explique o exercicio no portátil do canón e logo que o repitan os demáis, explicando unha por unha as cousas básicas que hai no documento de Referencia rápida. Logo faise unha proba de escribir nas conversas, mírase o historial dun artigo e explícase a lista de vixiancia e xa temos galipedistas en potencia!. E creo que o mellor sería comentar que os usuarios creen unha conta global porque así as probas son máis doadas de facer, pero isto é opcional. Saúdos, --Elisardojm (conversa) 09:39, 16 de setembro de 2011 (UTC)
Agora mesmo estamos dez persoas na sala 2 da Biblioteca de Galicia. Fixemos unha breve introducción coa estatística comparada e estamos comezando a editar (os de sempre + dúas persoas nova -nai e irmán de Elisardo-). Tamén andan por aquí un cámara e mais unha reportera da TVG. --Atobar (conversa comigo) 09:54, 17 de setembro de 2011 (UTC)

E ó final ata saímos na GalegaEditar

Se non o credes, mirade aquí... Que hai que ver un pouco a tele tamén que non sempre é telebasura... :). Saúdos, --Elisardojm (conversa) 21:04, 17 de setembro de 2011 (UTC)

Hai algo escuro que me molesta aqui, esta promoción da Galipedia supoño que a fai WIKIMEDIAESPAÑA ou algún organismo. A ver si estamos volvendo a actuacións que discreditan a comunidade da Galipedia ? Para mín os encontros entre usuarios son únicamente para favorecer convivencia, logo cada usuario pode participar en calquer evento organizado para promover. Non apoio este tipo de confusion, non é bóo para a comunidade. Supoño a boa fé de todos e sigo tranquilamente, coma sempre, temos muito traballo nos proxectos da WIKIMEDIA en lingua galega. Saúdos a todos, costame moito non alegrarme do evento. --Elvira (conversa comigo) 12:33, 18 de setembro de 2011 (UTC)
E xa estamos tamén en Commons. Vede aquí. Elisardo, ¿non sería bo que fixeras un comentario ó evento no Xornal da Galipedia? Pedro --Lameiro (conversa) 17:40, 21 de setembro de 2011 (UTC)
Si claro, se ninguén da un paso á fronte... :), eu non teño problema en facelo, teño que respirar un pouco e a ver se esta semana o teño.
Outra cousa, Elvire, non entendo nadiña o que queres dicir... Este foi un encontro e un intento de obradoiro de edición da Galipedia (intento porque só viñeron dúas persoas que non eran xa galipedistas) para tentar dala a coñecer e, se tivésemos moita sorte, conseguir un usuario máis para a Galipedia. Era un encontro e un evento de promoción, dúas cousas normalmente son mellor ca unha, ¿non? :). ¿Cal é confusión?, ¿porque non podería organizar este evento Wikimedia España ou outro organismo?, ¿cal é a cousa escura?. Creo que desta actividade os únicos que quitaron beneficio fomos os que asistimos polas boas conversas que tivemos e pola comida que compartimos xuntos, e a Galipedia, que a pesares da pouca participación, consigueu sair nun medio de comunicación que chega a moita xente. Tódalas conversas respecto a esta actividade están enriba disto, se algunha cousa non quedou clara pode comentarse agora, que me gustaría que te alegraras do que fixemos..., máis ben do que tentamos facer ;). E se fixemos algo incorrecto teríamos que sabelo para non volver caer niso... Saúdos, --Elisardojm (conversa) 23:08, 21 de setembro de 2011 (UTC)
Eu tampouco entendo a que te refires, Elvire. Foi unha xornada organizada polos que estamos aquí. Nada que ver coa fundación Wikimedia España. Cero. A xuntanza inicial foi pixí-pixá, principalmente polo que comenta Elisardo de que non puidemos levar a cabo ese taller ao non haber asistentes novos (ou case), mais a comida de despois no centro de Compostela si foi un éxito, prolongado até as 18.00. --Atobar (conversa comigo) 10:55, 22 de setembro de 2011 (UTC)
Pois Wkimedia España ten nas súas missions a promoción dos proxectos. Calquer usuario e calquer organismo (universidade, concello,etc) tamén pode promocionar. Eu fixen a mensaxe anterior pola única razon que apunteime no encontro, sen saber que ibase organizar mais, polo tanto necesitaba aclarar que non apoio o que occureu. Non quero levar a conversa maís adiante, seguireime apuntando cada vez que sexan encontros de convivialidade. Estou aqui para colaborar con todos tranquilamente e a miña mensaxe non quita ningun animo de colaboración. Saúdos cordiales para todos --Elvira (conversa comigo) 08:49, 27 de setembro de 2011 (UTC)
Elvire, non estou seguro de que esteamos a falar do mesmo. Que é o que ocorreu? Apoiar ou non apoiar o que? Hai algo que me escapa? Que eu saiba non houbo ningún problema de ningún tipo. --Atobar (conversa comigo) 08:54, 27 de setembro de 2011 (UTC)

Impulso / Pulo / *EmpuxeEditar

Propoño o seguinte asunto para debater. O tema xurdiu ao empregar eu a palabra *empuxe no artigo Principio de Arquímedes, onde foi substituído por pulo, e no significado (aerodinámico e hidrodinámico) do artigo agora titulado Pulo.

A min pulo paréceme unha voz propia da linguaxe común, pero que é máis axeitada á linguaxe científica o seu sinónimo, académico, impulso. A palabra impulso ten varios significados en galego, castelán, portugués (e noutros idiomas, coas súas correspodentes adaptacións, p. ex., catalán impuls, inglés impulse).

Estes siginficados pertencen a varios ámbitos científicos como, por exemplo, ao nome dunha magnitude física da mecánica, que equivale á variación da cantidade de movemento, ao impuso hidrostático ou impulso de Arquímedes (que foi o que usei eu) e a outros impulsos, como poden ser o impulso nervioso, o impulso vital, o impulso sexual, etc.

O problema xorde debido a que na Galipedia xa hai un artigo Impulso (referido ao sentido de magnitude física). Unha posíbel solución sería, ao meu modo de ver, abrir unha páxina de homónimos para impulso diferenciando claramente o significado de magnitude física dos que pulo (ou empurrón, ou empuxón) poidan ter nas disciplinas científicas e tamén na lingua común. No caso de que vos pareza ben a voz impulso, claro está).

Esta sería a miña proposta. A páxina de homónimos, con duás referencias para a páxina da magnitude física e outra para a da hidrostática ou arquimideana (e para as locucións nas que intervén esta voz).

Como axuda, transcribo as solucuóns doutras linguas póximas.

IMPULSO (magnitude física)

  • castelán impulso
  • catalán impuls (física)
  • francés Ø
  • italiano impulso (fisica)
  • portugués impulso
  • inglés impulse (physics)

IMPULSO (aerodinámico e hidrodinámico)

  • castelán empuje
  • catalán empenyiment
  • francés poussée
  • italiano spinta (ex., spinta idrostatica)
  • portugués empuxo (aerodinâmica)
  • inglés thrust

Agardo as vosas opinións. ----Xoio (Conversa Usuario:XoioÉche o que hai) 16:31, 17 de xullo de 2011 (UTC)


Logo de ler atentamente o que di Xoio, e de averiguar un pouco estou dacordo coa proposta feita arriba. Sin meterme nos contidos dos conceptos cientificos, o proposto vai ven para a comprension dun lector sen derramar a "vulgaricaciòn" da ciencia. . É importante que teñamos en conta primeiro o vocabulario propio das costumes de uso dos cientificos e padagogos que escriben directamenta en lingua galega, e logo buscarlle o correspondente concepto noutras linguas. No RAG entendo que pulo é sinonimo de impulso para falar da "forza que leva un obxecto en movemento ...." tratandose de ciencia supoño, pero telo en conta non leva a consideralo como "guìa automatica" para a redacta dos artigos (o RAG é un dicionario da lingua xeral, non é un dicionario especializado) --Elvira (conversa comigo) 23:03, 19 de xullo de 2011 (UTC)


Nota para Xoio. Nas paxinas de conversa non se debe modificar o xa dito. Desvirtúa a conversa. O que se queira dicir novo faise sempre ó final. Se se cambia de opinión nalgún tema riscase empregando <s>o que sexa</s> e expresase a nova opinión ao final, sen modificar o xa dito que levou a outros usuarios a dar unha resposta determinada--. HombreDHojalata.conversa 21:28, 22 de xullo de 2011 (UTC)


Ampliación da miña proposta anterior, posta aquí despois da amábel indicación de HombreDHojalata, sobre a non modificación do dito aqnteruiormente nas páxinas de conversa. Esta foi a mellor maneira que puiden atopar para rectificar o meu erro:

A palabra impulso ten, segundo o dicionario da DRAG,[1] os seguintes significados:

  1. Acción e efecto de impulsar. A randeeira elévase gracias ó impulso que lle dás. A Administración dese país deulle un grande impulso ó ensino. CF. empurrón, empuxón (menos cultos).
  2. Forza que existe na cousa en movemento ou en desenvolvemento. O impulso que leva o foguete. SIN. propulsión.
  3. fig. Forza interior súbita e imperiosa que leva a actuar dunha determinada maneira. Actuar movido por un impulso. Ten impulsos moi agresivos. CF. arroutada, arrouto, pronto. SIN. pulo. Coller impulso. Correr antes de dar un salto, balancea-lo brazo antes de facer un lanzamento e demais movementos similares que proporcionan forza para a boa realización dun exercicio.

Dentro dos termos que esta idea que normalmente figuran (ou deben figuar) nunha enciclopedia, as diferentes linguas do noso contorno presentan varias solucións dentro dunha certa uniformidade, especialmente no campo científico-técnico no que é regra a universalidade da linguaxe científica.

A palabra impulso (do latín impulsum, supino de impello, -pulli, -pulsum, impellere 'poñer en movemento', 'empuxar', 'impeler'; ou forma substantivada de impulsus, -a, -um, participio pasivo de impello) ten varios significados en galego, castelán, portugués (e noutros idiomas, coas súas correspodentes adaptacións, p. ex., catalán impuls, inglés impulse), todos eles concordantes coas dúas primeiras acepcións do dicionario da RAG, e pertencentes a diferentes campos científicos, e tamén participa nalgunhas locucións, así mesmo do canmpo científico, pero tamén da linguaxe corrente.

Segundo as linguas, e os significados, impulso alterna con equivalentes á voz non académica en galego (de momento) *empuxe, co significado de 'acción e efecto de empuxar (ou impulsar)'. En efecto, nin o DRAG nin o oficioso VOLG inclúen empuxe, pero si o verbo empuxar do que este sería o seu efecto, e tamén empuxón [2], voz que aparenta ter un sentido aumentativo, dada a súa terminación en –ón. Canto a empurrón, equivalente a empuxón, para o DRAG é: "empurrón s.m. Acción de empurrar ou empuxar. Deume un empurrón que case me tira. SIN. apuxón, empuxón. CF. impulso".[3] Queda claro pois que (de momento) e desde o punto de vita da académico empuxón, e non empuxe, é a 'acción de empuxar'.[4]

Daquela, para as voces que deben figurar nunha enciclopedia (polo que respecta ás áreas científicas), temos tres clases de impulsos, todas do campo da física:

Para as diferentes solucións nos idiomas próximos ao noso, véxase: [7]

Ademais, a palabra impulso forma parte de expresións tales como, entre outras:

Notas

  1. Diccionario da Real Academia Galega
  2. empuxón s.m. Empurrón. Dálle un empuxón. DRAG
  3. DRAG
  4. Hai que agardar a saída (esperemos que próxima) do próximo dicionario da RAG que parece que vai ser moito máis amplo e, seica, con inclusión de etimoloxías.
  5. "O cambio de movemento é proporcional á forza motriz impresa e ocorre segudo a liña recta ao longo da cal aquela forza se imprime", onde o chamou vis motrix, refiríndose a unha especie de forza do movemento. Newton, Isaac (1760): Philosophiae naturalis principia mathematica. Philosophiae naturalis principia mathematica.
  6. "Con toda acción ocorre sempre unha reacción igual e contraria: ou sexa, as accións mutuas de dous corpos sempre son iguais e dirixidas en sentido oposto". Isaac Newton, Op. cit.
  7. 1. IMPULSO (magnitude física)
    • castelán impulso
    • catalán impuls (física)
    • francés Ø
    • italiano impulso (fisica)
    • portugués impulso
    • inglés impulse (physics)
    2. IMPULSO (aerodinámico e hidrodinámico)
    • castelán empuje
    • catalán empenyiment
    • francés poussée
    • italiano spinta (ex., spinta idrostatica)
    • portugués empuxo (aerodinâmica)
    • inglés thrust
  8. Cómpre non confundir 1 Kg de masa (SI) de 1 Kg forza (Sistema técnico).

Xoio (Conversa Usuario:XoioÉche o que hai) 15:30, 24 de xullo de 2011 (UTC)
    • Eu entendo que sabes ben aclarar o tema, e ao ler o que dis penso ca tùa colaboraciòn tanto na creaciòn e desembolvementos dos artigos é importantisima. Co dito por ti e navegando na wikiFr (xa que é a lingua que domino correctamente) apendìn como lectora. Agora ben, como usuaria necesitaria unha proposta mais concreta para nomear os artigos e meter a dìa as categorias para recollelos correctamente si é necesario. Quero decir que necesitase esplicitar a proposta de "politica" de creaciòn do nome dos artigos. Polo de momento o que esplicas mesturase (e é lòxico, xa ca conversa comezou asi) coa "politica" do vocabulario que debese empregar na redacta dos artigos para cos contidos da Galipedia sexan "conformes" à ciencia universal (unha das consecuencias e a concordancia dos interwikis) e sexan ao mismo tempo "conformes" à linguaxe da comunidade cientifica que traballa en lingua galega (sen esquecer que sexa comprensibél polos lectores). Concretamente penso que debemos separar os doùs enfoques : a) nome e ordéacion de artigos do tema b) linguaxe usasada no contido dos artigos. Eu non podo axudar mais adentro en ningùn deles. Seria necesario que usuarios da rama cientifica axudaran a consensuar algo, o traballo colaborativo ainda que coma tempo, resulta ao final de maìs calidade. Pero tendo conta dos "recursos humanos" da Galipedia (numero de usuarios, tempo e paciencia de cada un, facilidade de colaborar no espazo comunitario - e non sò nos artigos - etc etc). Entòn de non poder seguir iste fìo no concreto que necesita Xoio, eu estou dacordo para que ìl siga facendo como lle semella maìs apropiado, teño confianza na sùa boa fé e vexo que sempre esta atento aos comentarios dos outros usuarios (non se pòn por arriba dos que non saben de ciencia por ser ìl cientifico, ten a grande calidade de ser humilde). Xoio son das (dos) usuarias (os) que pensan ca tùa colaboracion na Galipedia é de grande calidade, desexo que non te queimes polas necesidades do funcionamento das wikis (poden semellar un afastamento, pero eu penso que son o precio normal do proxecto e que ganase moito en aturar a vida das comunidades wikis) e que sigas cos achegos tan importantes que das. Tamén desexo que de vez en cando, ainda que semelle que non da resultado, veñas con conversas como ista no espazo da comunidade (Taberna, propostas a votaciòn etc). Para rematar cun detalle concreto : para mìn impulso hidrostático e principio de Arquímedes é o mismo artigo, un deles poderia ser unha #REDIRECCIÓN[[]] à o outro ? --Elvira (conversa comigo) 13:18, 30 de xullo de 2011 (UTC)